Adidas Германия терма жамоаси мухлисларига 44-рақамли либос сотиб олишни тақиқлади
02 апр 2024 20:21
Янгиликлар

Adidas Германия терма жамоаси мухлисларига 44-рақамли либос сотиб олишни тақиқлади

Шунингдек, Жонатан Та кийган 4-рақамли форма ижтимоий тармоқда танқидларга учради.

Adidas компанияси иккинчи жаҳон уруши пайтида фашистларнинг SS (Schutzstaffel) бўлинмалари томонидан қўлланилган белгига ўхшашлиги сабабли футбол мухлисларига Германия терма жамоаси либосига 44-рақамни буюртма беришни тақиқлади.

SS 1925 йил Адольф Гитлер томонидан ташкил этилган бўлиб, миллий социалистик ташкилот фашистлар даврида террор ва ваҳшийлик органи бўлиб хизмат қилган.

Adidas матбуот котиби компания зўравонликларга қарши эканлигини билдириб, 44-рақамга буюртма беришни имкон қадар тез блоклашини маълум қилди.

Шунингдек, 4-рақам учун муқобил дизайн ишлаб чиқилади. Аввалроқ ушбу рақамда Жонатан Та ҳаракат қилган ва либосдаги бу тасвир интернетда танқид қилинган.

Ҳавола :

Манба : Bild

Янгиликларни Телеграмда ўқинг!

Рейтинг: -2