Абрамович Лэмпардга 2 млн фунт тўлаб беради. Компенсациялар уммонида бир томчи: "Челси" собиқ мураббийларига қанча пул сарфлаган?

"Челси" кеча Томас Тухелни расман жамоа бош мураббийи сифатида эълон қилди, бунинг учун "аристократлар" ҳали шартнома муддати якунига етмаган Фрэнк Лэмпардга чиқиш эшикларини кўрсатишди. The Athletic хабарларига кўра, Роман Абрамович Фрэнкига маошининг қолган қисмини тўлаб беради – тахминан 2 млн фунт.

Лэмпард – Абрамович давридаги (13 нафардан) компенсация пули олаётган 10-мураббий.

• Фақат Рафаэль Бенитес (Ди Маттео кетгач, 2013 йил майида келган), Гус Хиддинк (Моуринью иккинчи марта клубдан кетганидан кейин жамоа бошқарувини қўлга олган) ва Маурицио Сарри ("Ювентус"га кетганди) клубдан кетаётгани учун пул олмаган.

•‎ Моуринью ҳар икки сафар ҳам ўзи, ҳам штаби учун компенсация пулини олган – португалиялик ассистентлари билан алоҳида шартнома имзоланишини сўрайди.

• Энг катта компенсация – Антонио Конте учун бўлган: 26,6 млн фунт. Аммо мураббийнинг шахсан ўзи фақатгина 9 (йиллик маоши)ни олган. Қолган маблағ – штаб вакиллари ва суд сарф-харажатларига кетган.

Томас Тухел билан келишув 1,5 йилга мўлжалланган ва яна 1 йилга узайтирилиши мумкин. Ушбу опцияни ҳар икки томон ташаббуси билан ишлатилиши мумкин. 

Шартнома муддати нисбатан қисқалиги қизиқ-а? Ким билади дейсиз, балки бу келажакда камроқ компенсация пули тўлаш учун эҳтиёт чорасидир?!