Абидаль: "Ёзда "Барселона"га янги "тўққизинчи рақам" келиши мумкин"

Клубнинг асосий мақсадларидан бири "Арсенал"нинг габонлик форварди Пьер-Эмерик Обамеянг ҳисобланади.

"Мен Обамеянгни биламан. У "Арсенал" учун муҳим ўйинчи. Биз ёзда янги "тўққизинчи рақам" сотиб олишимиз мумкин ва бу мантиқан тўғри. Луис Суарес жароҳатдан кейин кучли бўлиб қайтишини биламиз, лекин ёзда топ-ўйинчи сотиб олишимиз керак.

Бизда бир нечта вариантлар ёзилган рўйхат бор. Бу рўйхатга Оливье Жиру, Фернандо Льоренте ва Обамеянг киради. Январда эса ҳеч ким билан шартнома имзоламасликка қарор қилдик", - деди Абидаль.

Эслатиб ўтамиз, "Барселона" жароҳат сабаб Суаресни 3-4 ойга йўқотди. Бундан ташқари, Усмон Дембеле ҳам сафдан чиққан.