"Абдуқодир Ҳусанов камгап, аммо кучли футболчи" — "Ланс" устози

"Манчестер Сити" уни қўлга киритишни кафолатлаш учун бежиз 40 млн евро ва бонуслар таклиф этмади.

Хусанов ҳавас қилса арзийдиган жисмоний кучга эга марказий ҳимоячи, шунингдек, юқори даражадаги спринтер: унинг "Реймс" футболчиси Жунья Итони 37 км/с тезликда қувиб келаётгани акс этган видео интернетни ларзага келтирган.

"У камгап, аммо кучли футболчи. Мен келганимда, Дансо кетиш арафасида эди. Ўшанда Жан-Луи Лека ("Ланс" спорт координатори – таҳр.) менга: "Хавотир олманг, Абдуқодир шу ерда", деганди. 

У хато қилмаган экан. Ҳусанов ҳақиқатан ҳам улкан салоҳиятга эга", – деди "Ланс" бош мураббийи Уилл Стилл.

Ҳусанов ҳозирданоқ ҳимоядаги тажовузкорлиги билан ажралиб турадиган Рубен Диашга қиёсланяпти. Бу, айниқса, Гвардиолага маъқул келадиган жиҳат.

Аввалроқ Фабрицио Романо Абдуқодир Ҳусановнинг қачон "Манчестер Сити" билан шартнома имзолашини маълум қилган эди.