Абдулазиз Жўрабоев: "Астойдил ҳаракат қилсакда, омад келмаяпти"
23 окт 2018 21:55
Янгиликлар

Абдулазиз Жўрабоев: "Астойдил ҳаракат қилсакда, омад келмаяпти"

Про-Лига 31-туридан ўрин олган "Ёзёвон-Лочинлари"-"Нурафшон" (1:2) учрашувидан сўнг мезбонлар ҳужумчиси Абдулазиз Жўрабоев championat.asia сайтига интервью берди.

Бугунги учрашувда жиддий тайёргарлик кўргандик. Кетма-кет мағлубиятлардан кейин бугун ғалаба қозониб, мухлисларимизни хурсанд қилиш ниятида эдик. Лекин астойдил ҳаракат қилсак ҳам учрашувларда бизга омад етишмаяпти. Биз олдингидек ўйнай олмаяпмиз. Мени фикримча жамоамиздаги йигитлар ёки чарчаган ёки кетма-кет мағлубиятлар уларнинг ўзларига бўлган ишончи йўқолиб қолди.

Биз қўлимизни кўтармаймиз, астойдил ҳаракат қиламиз. Энг муҳими бизда умид бор, насиб қилса келаси учрашувларда ғалаба қозонамиз.

Бекзод Толибов ёзиб олди