Аббос Шодмонов: "Чемпионатдаги натижа тасодиф эканлигини исботламоқчимиз"

Жиззахда "Сўғдиёна"га қарши бўладиган мазкур ўйин ҳақида футболчимиз Аббос Шодмонов ўйин ҳақида фикрларини билдириб ўтди.

"Биз ҳозирги вазиятда ҳар бир ўйин қийин ўтишини ўйламоқдамиз. Жамоамизни чемпионатда ишлари у қадар ҳам юришмаяпти. Шу боис бизга ҳар қандай турнирдаги ғалаба жуда ҳам зарур. Ундан ташқари биз яқинда "Сўғдиёна"га қарши чемпионат баҳсида ҳам майдонга тушдик ва имкониятни бой берган эдик. Бугун шу натижа тасодифлигини исботлаш учун ҳам майдонга чиқамиз. Йўқотилган обруни тиклаш учун бизга ҳар бир ўйинда ғалаба керак.

Ўзбекистон кубогининг кейинги босқичига чиқмоқчимиз. Шу боис бизни фақат ижобий натижа қониқтиради", - дейди Аббос Шодмонов.

"Машъал" матбуот хизмати