Аббос Файзуллаев — ЦСКАнинг ноябрь-декабрь ойларидаги "Энг яхши футболчиси"
18 дек 2023 18:17
Янгиликлар

Аббос Файзуллаев — ЦСКАнинг ноябрь-декабрь ойларидаги "Энг яхши футболчиси"

Йил якунида Москванинг ЦСКА клуби энг яхши футболчиларини аниқлаб олишди.

Бош ҳомий "APOTHEKA" компанияси билан биргаликда клуб ноябрь-декабрь ойларидаги жамоанинг энг яхши футболчилари учлигидан кимлар ўрин олганини эълон қилди.

Қувонарлиси, мухлислар сўровномасига кўра, биринчи ўринни ўзбекистонлик футболчи Аббос Файзуллаев эгаллади. Иккинчи ўрин ҳужумчи Федор Чаловга, учинчи поғона эса Виллиан Рошага насиб қилди.

Эслатиб ўтамиз, Файзуллаев октябрь ойида ҳам ушбу совринга эга чиққан эди.