UZ

Сўнгги янгиликлар

23:10Месси яна бир рекорд ўрнатди  4 22:54Туғилган кунда бўйинбоғ совға қилишга мажбур бўлган "Пахтакор"нинг "Спартак"ка қарши ўйини ҳақида  2 22:30АПЛ. "Лестер" – "Манчестер Сити" (онлайн ҳисоб)  16 22:30Назорат баҳси. ЦСКА Сигурдссоннинг хет-триги эвазига “Уфа”дан устун келди. Урунов 76 дақиқада ўйнади  13 22:26Карло Анчелотти: "Эриксен Пирлога ўхшайди"  2 22:10АПЛ. 27-турдан ўрин олган 4та ўйин якунланди (+жадвал)  10 22:00Ла Лига. Мессининг покери “Барса”га йирик ғалаба келтирди ва каталонияликлар 1-ўринга кўтарилди  114 21:48Муборакда "воҳа дерби"си бўлади  0 21:40АПЛ. “Лестер” ва “Ман Сити”нинг асосий таркиби билан танишинг  12 21:38Москвада Гейнрихга тезкор алоқага чиққан "Тезкор студия"да "Спартак" — "Пахтакор" учрашуви муҳокамаси  9 21:35Бундеслига. “Боруссия Д” ғалаба қозониб, 2-ўринга кўтарилди, Холанд эса яна гол урди ва бошқа натижалар (+жадвал)  5 21:20"Динамо" навбатдаги назорат баҳсини "Шердор"га қарши ўтказади  0 21:10А Серия. СПАЛ – “Ювентус” баҳсининг бошланғич таркиблари маълум, Де Лигт захирада қолдирилди  9 19:46“Пахтакор” йирик ҳисобда “Спартак”ка енгилган "Откритие Арена"даги ўйиндан тайёрланган эксклюзив ФОТОГАЛEРEЯ  20 19:25АПЛ. Лэмпард 2-даврада ҳам Моуриньюдан устун келди  18

А ПРО-Лига. "Нефтчи" Фарғонада "Хоразм"ни мағлуб этди Янгиликлар

А ПРО-Лига. "Нефтчи" Фарғонада "Хоразм"ни мағлуб этди

А ПРО-Лиганинг 15-турида "Нефтчи" жамоаси ўз майдонида "Хоразм"ни қабул қилди.

Учрашув "Хоразм" жамоаси вакилларининг фаол ҳужумлари билан бошланди. Дастлабки дақиқаларданоқ ташаббусни қўлга олишга ҳаракат қилган меҳмонлар учрашувнинг 5-дақиқасидаёқ ҳисобни очишлари мумкин эди. Тимур Исмаиловдан ажойиб узатма қабул қилиб олган Сарварбек Жуманиязов дарвозабон билан бирга-бир вазиятга чиқиб борди, зарба йўллади, унинг зарбасини "Нефтчи" посбони Шерзодбек Абдураимов маҳорат кўрсатиб қайтариб қолди. Орадан бир дақиқа ўтиб "Хоразм" жамоаси вакиллари ўз жарима майдонлари яқинида қўполлик ишлатишди. Жарима тўпидан узатиб берилган тўпни "Нефтчи"нинг 70-рақамли футболчиси Достбонбек Бобожонов боши билан аниқ зарба йўллаб, меҳмонлар дарвозасини ишғол қилди - 1:0.

Шундан сўнг "Хоразм" жамоаси вакиллари учрашувда ҳисобни тенглаштириш учун кетма-кет ҳужумлар ташкил этган бўлсаларда, самара келтирмади.

Аксинча биринчи бўлим ўрталарига келиб, "Нефтчи" жамоаси вакиллари ташаббусни қўлга олишди. Мезбонлар томонидан ташкил этилган ҳужумлар натижасида дастлаб Жафъар Исмоиловнинг зарбаси дарвоза тўсинига теккан бўлса, орадан бир оз ўтиб ўтиб Жамшидбек Тўрақуловнинг зарбаси гол билан якунланди - 2:0. Биринчи бўлимга қўшиб берилган дақиқалар ўтиб бораётган вақтда "Хоразм" жамоаси вакиллари мезбонлар дарвозасига гол киритишди, бироқ бу вазиятда ён ҳакам ўйиндан ташқари холатни қайд этди. Учрашувнинг биринчи бўлими "Нефтчи" жамоасининг 2:0 ҳисобидаги ғалабаси билан якунланди.

Иккинчи бўлимни ҳар икки жамоа вакиллари фаол ҳужумлар билан бошладилар. Учрашувнинг 57-дақиқасида меҳмонлар ҳисобни қисқартиришга муваффақ бўлдилар, гол муаллифи "Хоразм" жамоасининг 7-рақамли футболчиси Тимур Исмаилов бўлди - 2:1. Орадан бир оз ўтиб "Нефтчи" футболчилари ҳисобдаги устунликни янада мустаҳкамлашди. "Нефтчи"нинг 77-рақамли футболчиси Исломбек Каримов жаримадан меҳмонлар дарвозаси томон кучли зарба йўллади, тўп йўл-йўлакай "жонли девор"га тегиб ўз йўналишини ўзгартирди ва "Хоразм" дарвозасидан ўрин олди - 3:1

Иккинчи бўлимга ҳакам томонидан қўшиб берилган сўнги дақиқалари ўтиб бораётган вақтда "Хоразм" жамоасининг 2-рақамли футболчиси Жасур Атаджонов қанотдан етказиб берилган тўпни боши билан мезбонлар дарвозасига йўллади - 3:2.

Шу тариқа "Нефтчи" жамоаси ўз майдонида "Хоразм"ни 3:2 ҳисобида мағлубиятга учратди.

А ПРО-Лига. 15-тур.
"Нефтчи" СК ўйингоҳи.
"Нефтчи" - "Хоразм" 3:2 (2:0)
Ҳакамлар
: Жасур Мухторов, Бахтиёрхўжа Шавкатов, Фаррух Йўлдошев.
Назоратчи: Ғайрат Каримов
Комиссар: Акмал Раҳматов
Голлар: Достонбек Бобожонов 6, (1:0), Жамшидбек Тўрақулов 43, (2:0), Тимур Исмаилов 57, (2:1), Исломбек Каримов 59, (3:1), Жасур Атаджанов 90+3 (3:2)
"Нефтчи": 35. Шерзодбек Абдураимов, 4. Шодиёр Холматов, 7. Исломжон Тошпўлатов, 15. Миржамол Неъматов, 28. Жавоҳир Расулов, 32. Нодирбек Йўлдошев, 70. Достонбек Бобожонов, 77. Исломбек Каримов, 88. Жаъфар Исмоилов, 98. Жамшидбек Тўрақулов, 99. Иброҳим Нўмонов
Захира: 16. Хуршидбек Мухаммадов, 21. Фаррухбек Турдиалиев, 2. Асилбек Ғойибназаров, 14. Абдужалил Маназаров, 17. Илхомжон Ваҳобов, 20. Дилёрбек Ирматов, 24. Илхомжон Иброхимов, 26. Бобуржон Исроилов, 38. Ибоджон Абельфазов.
"Хоразм": 35. Ғайратжон Ўдаев, 2. Жасур Атаджанов, 3. Равшанбек Султонов, 4. Тимур Бекчанов, 7. Тимур Исмаилов, 11. Тимур Машарипов, 13. Сарварбек Жуманиязов, 14. Миржалол Қурбонов, 16. Рафиқбек Каримов, 44. Мақсуд Каримов, 77. Турсунмурод Хамдамов.
Захира: 1. Элдорбек Шуҳратбеков, 9. Хабибулла Матёқубов, 10. Сирож Рўзметов, 15. Дадахон Юсупов, 17. Фаррух Хайдаров, 22. Мухаммадқодир Раҳимберганов, 29. Мирас Карлибаев, 40. Ҳурматбек Юлдашев


Бекзод Толибов тайёрлади



Рейтинг: +12   

Фикрлар

championat.asia
< сўнгги янгиликларни кўриш
Яндекс.Метрика

CA ни Facebook да ўқиш
учун "Yoqdi"ни босинг