"8+3". Пуйоль, Роналдиньо ва Драган Черан — Ғофуров энг яхшиларни айтди (10-сон)
12 ноя 2021 17:12
Янгиликлар
"8+3". Пуйоль, Роналдиньо ва Драган Черан — Ғофуров энг яхшиларни айтди (10-сон)
Бу гал АГМКнинг иқтидорли ярим ҳимоячиси Хусниддин Ғофуров билан суҳбатлашдик. Унга футболга оид 8, футболдан ташқари 3та савол билан мурожаат қилдик.

- Сиз ўйинларини бевосита кузатган энг кучли футболчи ким?
- Ўйлашимча, Роналдиньо. "Афсунгар"нинг ҳаракатларини олдиндан тахмин қилиб бўлмасди.
- Тарихдаги энг кучли жамоа (ёки терма жамоа) сифатида қайсини кўрсата оласиз?
- Луиз Энрике бошчилигидаги "Барселона" - 2015.
- Сиз кўрган энг чиройли гол қайси?
- Мессининг "Атлетик Бильбао" дарвозасига киритган тўпи. Лео тўпни майдон марказида қабул қилиб олиб, баскларнинг ярим таркибини алдаган эди.
- Футбол оламида бошқалардан мутлақ ажралиб турадиган шахс ким?
- Мен учун бошқалардан мутлақ ажралиб турадиган шахс - Карлес Пуйоль. У ҳақиқий сардорларнинг тимсолию
- Ўзбек футболи қироли ким?
- Шубҳасиз, Миржалол Қосимов.
- Нечанчи йиллардаги терма жамоамиз барча даврларнинг энг кучлиси эди?
- 2010-2015 йиллардаги миллий жамоамиз.
- Ўзбекистон чемпионатларида ўйнаган энг кучли хорижлик ўйинчи ким?
- Драган Черан бўлса керак.

- Ўзингиз ўйинларини кузатган футболчилар орасидан рамзий жамоа тузиб беринг.
- Марк-Андре тер Штеген, Даниэл Алвес, Карлес Пуйоль, Неманья Видич, Марсело Виейра, Хави, Андрес Иньеста, Роналдиньо, Стивен Жеррард, Лионель Месси, Дидье Дрогба.
Мураббий: Пеп Гвардиола.
- Ёқтирган китоб ёки кинонгизнинг номини айтинг.
- Русларнинг "Бригада" сериали.
- Сиз учун бахт нимадан иборат?
- Ота-онам ва оиламнинг тинчлиги.
- Ҳаётингизнинг бурилиш нуқтаси сифатида қайси воқеани эслайсиз?
- Мол боқишдан катта футболга кириб келганим (кулади).

Ўхшаш янгиликлар
championat.asia
"Пахтакор" голи инобатга олинмаган "Бухоро"ни мағлуб этиб, Ўзбекистон кубоги соҳибига айланди
Суперлига. Турнинг сўнгги баҳсида "Сурхон" "Андижон"га ҳеч қандай имконият қолдирмай йирик ҳисобда мағлуб этди
Эксперт ҳакамлар гуруҳи "Пахтакор" ва "Бухоро" учрашувидаги баҳсли вазият юзасидан хулоса берди
Педри ва Ямаль "Эл Класико"дан кейин ижтимоий тармоқларда Карвахални кузатишни тўхтатди
Фикрлар