7 йил аввал Левандовски "Реал"ни Дортмундга "кўмганди"

Юрген Клопп шакллантирган "Боруссия"ни унутиб бўлмайди. Дортмундликлар ЕЧЛнинг 2012/13 йилги мавсумида "Реал" билан бир гуруҳдан ўрин олган эди. Мадрид клубини Моуринью бошқарар ва бу тўқнашувларда мураббийлар асосий планга чиқарди. Гуруҳдаги иккала ўйинда ҳам Клопп шогирдларининг устунлиги яққол устунлиги сезилганди. "Реал" гуруҳда иккинчи бўлди. Аммо кейинроқ икки жамоа финал йўлланмаси соҳибини ўзаро аниқлаштиришлари талаб қилинди.

Ярим финал доирасидаги дастлабки баҳс олдидан кимнинг фаворитлигини айтиш жуда мушкул эди. Ўша ўйин бутун дунёга яқин келажакнинг энг кучли марказий ҳужумчисини таништирди - Роберт Левандовски. "Қироллик клуби"нинг бутун таркиби унинг қаршисида ожиз қолганди. Тўғри, бунга қадар ҳам польшалик форварднинг иқтидори, салоҳиятининг сирли жиҳатлари қолмаганди. Лекин Чемпионлар лигаси ярим финалида Жозе Моуринью бошчилигидаги жамоага, яна "Реал" дарвозасига покер қайд этиш...

ЕЧЛ-2012/13. Ярим финал (дастлабки баҳс)

24 апр. 2013, 00:45. "Сигнал Идуна Парк"

"Боруссия" 4:1 "Реал"

Голлар: Левандовски (8, 50, 55, 67-пен.) - Роналду 43.

"Боруссия Д.": 1. Вайденфеллер, 15. Хуммельс, 29. Шмельцер, 4. Суботич, 6. Бендер С., 10. Гётце, 11. Ройс, 16. Блашиковски (82'), 26. Пишчек (83') , 8. Гюндоган (92'), 9. Левандовски Р.

Ўзгаришлар: 5. Кель (82') , 19. Гросскройц (83') , 23. Шибер (92')

Заҳира ўриндиғи: 20. Ланжерак, 27. Фелипе Сантана, 7. Лейтнер, 18. Шахин

Огоҳлантиришлар: Левандовски Р. 70'

"Реал": 25. Диего Лопес, 2. Варан, 3. Пепе, 4. Серхио Рамос, 14. Хаби Алонсо (80'), 19. Модрич (68') , 6.Хедира, 10. Ўзил, 5.Коэнтрау, 7. Роналду, 20. Игуаин (69')

Ўзгаришлар: 22. Ди Мария (68') , 9. Бензема (69') , 8. Кака (80')

Заҳира ўриндиғи: 1. Касильяс, 27. Начо, 18. Альбиоль, 21. Кальехон

Огоҳлантиришлар: Хедира 54', Озил 64', Серхио Рамос 92'

Ўйиндан кейин Моуринью "Боруссия"ни ғалаба билан табриклаб, кучли ва муносиброқ жамоанинг зафар қучганини тан олганди.

Дарҳақиқат, ўша мавсум немис футболи Европада мутлоқ устунлигини ўрнатган, мусобақанинг ярим финалида испан грандлари жабрланувчи ролини ўтаб берган эди. Мазкур ўйиндан бир кун аввал "Альянц Арена"да "Барселона"нинг ҳоли нима бўлгани ёдингизда.

Фахриддин Рўзиев