"Ювентус" Матета бўйича таклиф билан чиқди
20 янв 17:48
Янгиликлар

"Ювентус" Матета бўйича таклиф билан чиқди

"Кристал Пэлас"нинг франциялик ҳужумчиси Жан-Филипп Матета жорий қишки трансфер ойнасида Туриннинг "Ювентус" клуби қизиқишлари доирасига тушди.

"Sky Sport Italia" маълумотига кўра, "Ювентус" лондонликлар ҳужумчисини 2 млн евро тўлов эвазига ижарага олишни таклиф қилган, аммо "Кристал Пэлас" бу таклифни рад этган.

Шу манбага таянилса, 28 ёшли футболчини қўлга киритишга "Ювентус" бош мураббийи Лучано Спаллетти шахсан қизиқмоқда. У Матетани асосий ҳужумчи Душан Влахович жароҳат олганидан сўнг ҳужум чизиғини кучайтириш варианти сифатида кўриб чиқмоқда.

Матета Премьер-лига жорий мавсумида 22 ўйин ўтказиб, 8 та гол урган.

Ҳавола :

Манба : Sky Sport Italia

Янгиликларни Телеграмда ўқинг!

Рейтинг: +1