Championat.asia сайти маълумотларига кўра, клуб бразилиялик ярим ҳимоячилар — Рафаэль Сабино (суратда) ва Элзио Лоҳан, франциялик вингер Янис Лери ва нигериялик ҳужумчи Аделеке Акиньемини таркибга қўшиб олган.
29 ёшли таянч ярим ҳимоячиси Сабино ўтган мавсум Қозоғистоннинг "Қизилжар"ида ҳаракат қилган. Фаолияти мобайнида Бразилия ва Украина жамоаларида тўп тепган.
24 ёшли марказий ярим ҳимоячи Лоҳан ўтган мавсум Кипрнинг "Эносис" жамоаси шарафини ҳимоя қилган. Фаолияти давомида Бразилия, Хорватия, Босния ва Герцеговинада ўйнаган.
22 ёшли вингер Лери ўтган мавсум Испаниянинг "Логроньес" жамоасида ўйнаган. Фаолияти мобайнида Франция, Люксембург ва Испания жамоаларида ҳаракат қилган.
27 ёшли ҳужумчи Аделеке Акинье ўтган мавсум Финляндиянинг "Ильвес" жамоаси либосида тўп тепган. Фаолияти давомида Нигерия, Кипр, Албания, Шимолий Македония, Латвия, Норвегия ва Чехия майдонларида ҳаракат қилган.
