"Реал" ва "Ливерпуль" кутилмаган алмашувни режалаштирмоқда

Мерсисайдликлар ҳужум чизиғини кучайтириш ниятида, шунинг учун улар бразилиялик вингер Родриго хизматларига қизиқиш билдирмоқда. "Қироллик клуби" франциялик ҳимоячи Ибраима Конатени жамоанинг Клублар ўртасидаги жаҳон чемпионатидаги омадсизлиги ва Франциянинг ПСЖ жамоасидан қабул қилиб олинган аламли мағлубиятидан (4:0) сўнг сафига қўшиб олмоқчи.

Испания матбуоти хабарига кўра, жамоалар ўйинчиларни алмашиш имкониятини ўрганмоқда. "Ливерпуль" Конате ва Родригонинг трансфер қийматидаги фарқни қоплашга тайёр, чунки бразилиялик футболчи францияликдан 30 миллион еврога қимматроқ (90 ва 60).

Англия чемпиони футболчисини текинга йўқотмоқчи эмас – ҳимоячининг шартномаси бир йилдан кейин тугайди, у ҳамкорликни давом эттирмайди. Шу сабабдан "Ливерпуль" мадридликларга Родригони беришни таклиф қилди ва бунинг эвазига "қаймоқранглилар" Конате ва 30-35 миллион евро олади.

Айни дамда "қироллик клуби" вингернинг келажаги бўйича якуний қарорга келмаган, бироқ унинг кетишига тўсқинлик қилмоқчи эмас. "Реал" алмашувга рози бўлиши мумкин, лекин аввало Англиядан келган таклифни ўрганиб чиқади.