Дебют ўйинида «Ипсвич»ни юта олмаган Аморим нималар деди?
25 ноя 08:53
Янгиликлар
Дебют ўйинида «Ипсвич»ни юта олмаган Аморим нималар деди?
Кеча Рубен Аморим бошчилигидаги «Манчестер Юнайтед» АПЛнинг навбатдаги тури доирасида «Ипсвич»га қарши баҳс олиб борди.
Баҳс якунидан сўнг меҳмонлар устози Рубен Аморим дебют учрашуви ҳақида фикрларини билдириб ўтди.
«Ҳозирги вақтда биздан нималарнидир кутиш имконсиз. Бугунги баҳс биз учун сюрприз бўлмади.
Бугунги баҳсда футболчиларим ҳаракат қилишганликларини кўрдим, улар ғалаба учун интилишди. Қийин вақтда ҳам улар биз истаётгандек ҳаракат қилишга интилишмоқда.
Ҳозирги ҳолатимиз мухлисларга ёқмаслиги аниқ. Бироқ биз аста-секин, турма-тур кучайиб борамиз ва шундан сўнг ғалабалар келади. Бунинг учун эса маълум муддат керак бўлади. Битта нарсани тушунишингиз керак, биз эндигина иккита машғулот ўтдик.
Бугунги баҳсда Онана бўлмаганида мағлуб бўлишимиз ҳам мумкин эди», — деди Аморим.
Ўхшаш янгиликлар
championat.asia
Ла Лига. "Барселона" "Сельта"га қарши ўйинда сўнгги дақиқаларда иккита гол ўтказиб, ғалабани қўлдан чиқарди
Чемпион "Насаф" Фарғонада "Нефтчи"га мағлуб бўлди
Ла Лига. "Реал" меҳмонда "Леганес"ни йирик ҳисобда мағлуб этди
АПЛ. "Саутгемптон" ва "Ливерпуль" ўртасидаги ўйинда 5та гол урилди
Фикрлар
Биринчидан, одатда, терма жамоалар йиғинларидан кейин каттароқ клубларга қийин бўлади, чунки тўлиқ таркиб билан шуғулланишнинг иложи йўқ. Асосийдан Мазрауи, Далот, Де Лигт, Гарначо, Эриксен янги қўшилишган бўлишса, Угарте, Хойлунд, Зиркзелар айнан шу сабабдан тўлиқ тайёр эмасди. Шоу беш ой, Маласия бир ярим йилдан бери футбол ўйнагани йўқ эди. Агар мураббий янги экани ва янгича схемада ҳали тўлиқ таркиб машғулот ўтмаганини эътиборга олсак, янаям қийин экани ойдинлашади.
Иккинчидан, 3-4-3 да қанотдагилар ва таянч зонасидан кўпроқ интенсивлик талаб қилинади. Таркибда Эванс, Каземиро ва Эриксен билан буни кутиш қийин. Айнан шу жиҳат биринчи таймда муаммоларга сабаб бўлди. Ҳамма қайтганида ҳимоя чизиғиям, марказ ҳам бутунлай бошқа футболчилардан иборат бўлиши шубҳасиз. Йоро, Мартинес, Майну, Угарте - асосий таркиб ўйинчилари.
Учинчидан, Амад, Гарначо, Бруно, Мазрауи, Далот, Эванс, умуман таркибнинг ярмидан кўпи умрида ўйнаб кўрмаган схемада ўйнаб, бошқача вазифалар бажаришига тўғри келди. Бирданига осон эмас, албатта.
Амад Диалло кўпроқ олдинги чизиқда фойдалироқ экани кўриниб қолди. Аморим дастлабки ўйинларда қанотда фулбекларни ўйнатишини айтганди, яъни ҳозирча литераллар «Спортинг»даги каби олдинга кўтарилишмайди. Амадни кўпроқ Гарначо ўйнаган позицияда (худди машғулотларда бўлганидек) ўйнатиши кўпроқ мақсадга мувофиқ. Балким мавжуд имкониятлардан келиб чиқиб, бу сафар мажбур бўлингандир. Масалан, Мазрауи мажбуран марказга, Далот чапга ўтгач, ўнг қанотда Антони ва Амад варианти бор эди холос.
@aslanov_
Жуда ачинарли МЮ дек клуб учун?