Рисқуллаев футболчиликни тугатди ва ҳакамликни бошлади
Narzulla Saydullayev
25 мар 2014, 17:32
Ўз вақтида “Трактор”, “Пахтакор”, “Сўғдиёна”, “Шўртан”, “Навбаҳор”, “Қизилқум”, “Насаф” ва “Динамо” каби клубларда тўп сурган марказий ҳимоячи Аҳрол Рисқуллаев бу йил олий лиганинг ҳеч бир клубида заявкадан ўтмади.
Бизга маълум бўлишича, у (фотода чапда) футболчилик фаолиятига якун ясаган ва бундан кейин ҳакамлик иши билан шуғулланмоқчи. 29 ёшли собиқ футболчи ўзини дастлаб қанот ҳаками сифатида синаб кўрса керак. Агар омади чопиб яхши ҳакамлик қилса, кейинчалик бош ҳакам бўлиши мумкин.
