UZ

Сўнгги янгиликлар

09:37"Реал"чилар қайтишди. Бразилия терма жамоасининг октябрь ойидаги ўйинлари учун таркиби эълон қилинди  0 09:10Sofascore. Ашурматов "Истиқлол"да дебют баҳсидаги ҳаракатлари учун неча баҳога лойиқ кўрилди?  0 08:44EЧЛ. Ҳафта футболчисига кимлар номзод?  3 08:21Sofascore. "Андижон" футболчилари кечаги учрашувдаги ҳаракатлари қандай баҳоланди?  3 07:53Винисиус Жуниор дунёнинг энг кўп маош олувчи футболчисига айланиши мумкин  0 07:15ОЧЛ-2. "Андижон" – "Ал Аҳли" 0:0   1 02:10ЕЧЛ. "Арсенал", "Боруссия Д" ва "Наполи"да ғалаба "Юве"да дуранг ва бошқа натижалар  14 02:00ЕЧЛ. "Манчестер Сити" меҳмонда "Монако" билан дуранг ўйнади  6 01:55ЕЧЛ. ПСЖ Рамушнинг охирги дақиқалардаги голи эвазига "Барселона"ни мағлубиятга учратди  170 01:20ОЧЛ 2. "Ал Ҳалдия" ўз уйида "Арқадағ"ни мағлубиятга учратди. "Андижон" жойлашган гуруҳда ҳолат қандай?  3 01:01Сардор Азимов: "Биринчи бўлимда гол уришни мақсад қилгандик. Жамоада муҳит аъло даражада"  3 00:31"Барса" тез орада де Йонг билан шартномани узайтиради  0 00:06ЕЧЛ. "Ньюкасл" йирик ғалаба қайд этди, "Қорабоғ" "Копенгаген"ни енгди  3 23:42Қозоғистонлик тадбиркор "Реал"дан бешта гол ўтказган "Қайрат"нинг 18 ёшли дарвозабонига машина совға қилди  5 22:50Максим Шацких: "Энг муҳими гол ўтказмаслик ва нолга ўйнаш. Реализация эса кун келиб яхшиланади"  18

"Сурхон" vs Бубанья. Ким ноҳақ? Янгиликлар

"Сурхон" vs Бубанья. Ким ноҳақ?

Яқинда футболчилари калтакланган клуб ҳақида Исломбек Рустамов томонидан ёзилган мақолани ўқиган бўлсангиз керак:

“Сурхон”нинг сербиялик легионери яна "жуфтакни ростлади" 

Дарҳақиқат, яхши мавзу кўтарилган. Савол ҳам тўғри қўйилган: Бубанья нега кетиб қолди? Аммо ҳамкасбимиз фақат 1 томонга қулоқ тутгани боис масала моҳиятини ўрганишда бироз сусткашлик қилгани кўриниб турибди. 

Мақолада айтилишича, клуб вакиллари журналистга сербиялик ҳимоячи "жуфтакни ростлагани" тўғрисида маълумот беришган. Муаллиф эса бунга асос сифатида Владимирнинг захира ўриндиғида қолиб, жамоадан ражиган бўлиши мумкинлигини келтирган. Аслида эса воқеалар ривожи юқорида айтилганидан бироз фарқ қилади...

2020 йил

Бубанья ўтган йилнинг ёзида клубни тарк этиб, шартномани бир томонлама бекор қилди ва "Сурхон" устида ФИФАга арз қилди. Ўшанда Термиз клуби ва сербиялик ўйинчи иштирокида ҳақиқий сериалнинг гувоҳига айлангандик. ФИФА "Сурхон"га 45 кун муҳлат бериб, яқин 3 та трансфер ойнасини ёпиб қўйиш билан таҳдид қилди. Термизликлар эса футболчининг ўзини жамоадан қарздорга чиқариб қўйишди

Ўшанда "Сурхон" ўз футболчисидан қанча қарз бўлган? ФИФА маълумотига кўра, унинг қарзда қолиб кетган маоши умумий 28 минг доллардан ошиқроқ ҳисоблаб берилган. Вақтида тўланмаган ҳар ҳолат учун +5 фоиздан пеня тўланиши керак. 

Шунингдек, клуб шартнома шартларини вақтида бажармагани ҳамда футболчи уни бир томонлама бекор қилишга мажбур бўлгани учун Сурхон 46 минг долларга яқин компенсация пули тўлаб бериши лозим эди. ФИФА вақтида тўланмаган ҳар ҳолат учун ҳам +5 фоиздан пеня ёзган.

Кейинчалик томонлар ўзаро келишиб олишди. Бубанья ўзи "савлати йўқ, нопроффессионал" деб атаган клуб билан битимни узайтирди.

2021 йил

Бубанья бу йил ҳам ёзда кетиб қолди. Аммо И. Рустамовнинг айтганидек, захирада қолгани ёки кимдандир хафа бўлгани учун эмас. Унинг конкрет сабаби бор: "Сурхон" раҳбарияти легионернинг маошини ўз вақтида тўлаб бермаган. Championat.asia'га маълум бўлишича, Владимир июнь ойида бу борада ЎзПФЛдан амалий ёрдам сўраган. Ташкилот эса Термиз клубини ўтган йилги воқеалар такрорланиши билан огоҳлантириб, ўз вақтида муаммони ҳал қилишга чақирган. Натижани эса кўриб турибсиз.

Бизга маълум бўлишича, сербиялик легионер июнь ойида клуб томонидан 3 ойлик маоши (март, апрель, май) тўлаб берилмагани тўғрисида ариза ёзган. Шу ўринда Бубаньяни "жуфтакни ростлашда" айблаётган клуб вакилларига бир нарсани эслатиб ўтмоқчимиз.

ФИФА қоидаларига кўра, футбол клуби футболчига ойлик маошини бериши лозим бўлган 30 календар кун ўтган ҳолатида клуб томонидан футболчига тўланиши лозим бўлган ойлик иш ҳақи ва/ёки ҳар ой бериладиган бошқа кўринишдаги тўловларнинг умумий йиғиндиси камида 2 ойлик иш ҳақида миқдорича қарздорлиги бўлса, шартнома футболчининг ташаббуси билан 1 томонлама бекор қилиниши мумкин. Бундай ҳолатда ФИФА футболчининг ҳақини ундириб беради (пеняси билан). Бу қоида "Футболчиларнинг мақоми ва трансфери бўйича регламент"нинг 14-моддасига ҳам киритилган.

Муаллиф :
Рейтинг: +8   

Фикрлар

championat.asia
< сўнгги янгиликларни кўриш
Яндекс.Метрика