Ўтган икки йил давомида асосий жамоани бошқарган португалиялик мураббий Руи Виториа қониқарсиз натижалар сабаб бўшатилди. Жамоани вақтинча ёшлар жамоаси мураббийи Ален Хорват бошқариб туради.
"Ал Насср" Саудия Арабистони чемпионатида 10та ўйиндан сўнг атиги 8 очко тўплаб, 15-ўринни эгаллаб турибди. Риёдликлар охирги турни "Дамак" клубига қарши ўтказиб 2:2 ҳисобини қайд этишди. Бу ўйиндан 24 соат ўтиб бош мураббий истеъфога чиқарилди.
Эслатиб ўтамиз, бу мавсум "Ал Насср" Осиё чемпионлар лигасида ярим финалга қадар бориб, Эроннинг "Персеполис" клубига пенальтилар сериясида мағлуб бўлди.
