24 апрелда Фарғонада учта ўйин бўлади

Шу куни Фарғона вилоятида бир йўла учта ўйин ўтказилади.

Суперлига
"Нефтчи" - "Металлург"

ПРО-лига
"Истиқлол" - "Динамо"
"Ифтихор" - "Ёзёвон"

Барчамизга маълумки Фарғона аҳли футболни севади. Бу ернинг асосий қисми "Нефтчи"га мухлислик қилади. Аммо "Истиқлол" мухлислари ҳам кўплаб топилади. "Ифтихор" ҳам мустасно эмас. Демак шу куни мухлислар учга бўлинишга мажбур бўлишади.

Агар ПРО-лиганинг икки ўйини эртароқ вақтга қўйиладиган бўлса, бу ўз-ўзидан иш вақтига тўғри келади. Шунда учршаув яна эски ҳолатда мухлисларсиз ўтади. Бунда сиз ўйинга келиш-келмаслик томошабинларнинг ўзида дейишингиз мумкин. Лекин бизнинг мақсадимиз футбол мухлисларини стадионларга қайтариш эмасми?

Хавфсизликнинг асосий қизми яъни ИИБ ходимлари Суперлига ўйинига жалб этилишини ҳисобга олсак қолган икки ўйинда муаммолар юзага келиб чиқиши мумкин. Табиийки бу ҳолат хавфсизлик талабга умуман жавоб бермайди.

Бизнинг мақсадимиз бир ҳудудда икки-уч ўйин бир кунда бўлмаслигидир. Биз ҳар бир ўйинни кўришга интиламиз. Шу сабабдан ҳам ПФЛдан шуни илтимос қилган бўлардикки навбатдаги ўйинларда бундай ҳолат юз бермасин.

Беҳруз Холиқов "Истиқлол" клуби матбуот котиби