UZ

Сўнгги янгиликлар

22:44Ўзбекистон U-17 терма жамоаси ўртоқлик ўйинида Англияга ютқазди  5 22:25Антони "Бавария" таклифини рад этганини айтди. У "Бетис"га берган сўзида турган  0 21:55"Атлетик" ФИФА Лапортни рўйхатдан ўтказишни рад этганини тасдиқлади  1 21:36Ла Лигада ой мураббий бўлиш учун номзодлар номи эълон қилинди. Флик улар орасида йўқ  3 20:55Ла Лигада август ойининг энг яхши ўйинчиси бўлиш учун номзодлар номи эълон қилинди  2 20:25Равшан Ҳайдаров: "Бутун ўйин давомида устунликка эга бўлдик, тўпни назорат қилдик"  12 19:59A Bola: Лёвдан сўнг Бенту ҳам Ўзбекистонга "йўқ" деди  102 19:50Фарруҳ Сайфиев Туркманистон билан баҳсда дарвозабонга атайин жароҳат етказдими?  11 19:33Аббос Файзуллаев: "Туркияга мослашиш қийин бўлмади"  3 17:37Фермин ва Гави қизлар туфайли жанжаллашиб қолганми?  1 16:57Осиё Кубоги саралаши. Ўзбекистон U-23 йирик ғалабага эришди  15 16:45Ботирали Эргашев: "Хатолардан фожиа ясаш керак эмас"  6 16:34Фердинанд МЮ ҳақида: "Агар Санчо, Рэшфорд, Антони, Гарначо ва бошқалар туфайли пул йўқотишга тўғри келса, фарқи йўқ – улардан қутулинг. Жамоа биринчи ўринда"  3 16:00"Қайрат" қаҳрамонига айланган захира дарвозабони  1 15:39Кунде "Олтин тўп" ҳақида: "Унга Ямаль ҳам, Дембеле ҳам лойиқ. Мен овоз бермайман – кучлиси ғалаба қозонсин"  11

22 ёшда Ўзбекистоннинг энг яхши футболчиси бўлган Андрей Акопянц ҳозир қаерда? Янгиликлар

22 ёшда Ўзбекистоннинг энг яхши футболчиси бўлган Андрей Акопянц ҳозир қаерда?

"Улар қаерда" рукни орқали собиқ футболчилар, мухлислар олқишига сазовор бўлган юлдузлар ва мураббийларнинг бугунги кундаги фаолияти ҳақида маълумот бериб келяпмиз.

Бугун таклифларни инобатга олган ҳолда Андрей Акопянц ҳақида ҳикоя қилишга қарор қилдик. Тезкор ҳаракат ва бетакрор дриблингга эга футболчи ёдингизда бўлса керак. 

Андрей Акопович Акопянц - 1977 йил 27 август куни Тошкент шаҳрида дунёга келган. Фаолиятининг илк йилларида Тошкентнинг "Чилонзор" ва "Истиқлол" жамоалари тўп тепган. Андрей 1996 йили 19 ёшида "Пахтакор" клуби билан шартнома имзолайди. Тўрт мавсум давомида шонли клуб шарафини ҳимоя қилган Акопянц 1998 йилда Ўзбекистон чемпиони бўлган. Орадан бир йил ўтиб эса мамлакатимизнинг энг яхши футболчиси деб топилган. 

"Пахтакор"даги ёрқин ўйинлари сабаб унга Россия клублари қизиқиш билдира бошлади. Унинг агентлари "Зенит", "Крилья Советов" клублари билан музокара олиб борган бўлса-да, якунда ярим ҳимоячи "Ростсельмаш" (ҳозирги "Ростов") жамоаси билан шартнома имзолайди. У 2000-2005 йиллар оралиғида ростовдонликлар сафида 116 та учрашувда майдонга тушиб, 5 та гол киритган. Акопянц 2006 йилги мавсумни Россиянинг яна бир клуби "Черноморец" таркибида ўтказди. 2007 йили ярим мавсум Беларуснинг "Дарида" клубида ўйнаган футболчимиз кейин Латвиянинг "Даугава"сига кўчиб ўтди. Бу жамоада у бир йил ўйнади. Шундан сўнг яна жонажон "Пахтакор" жамоасига қайтди. Лекин у Тошкентда узоқ қолмади. 2009 йилги мавсумни Самарқанднинг "Динамо"сида ўтказгач, яна Россияга йўл олади. У ерда ФНЛ клублари - "Нижний Новгород", "Луч-Энергия", "Факел", "Химик" сафида тўп тепади. 2014 йилда "Бухоро" жамоаси Андрейни ўз сафига қўшиб олган. Ярим мавсум бухоролик либосида ҳаракат қилган Акопянц иккинчи даврада "Нефтчи"да ўйнайди. Айнан фарғоналиклар таркибидаги ўйинлари билан Ўзбекистондаги фаолиятини якунлайди.

Шундан сўнг Акопянц ўзи учун қадрли бўлиб қолган, қайсидир маънода иккинчи уйига айланган Ростов-Донга қайтди ва 2016 йилгача Ростов вилояти чемпионатининг турли клубларида тўп тепди. Айнан ўша йили Ростов-на-Донунинг "Арсенал 2005" клубида мураббийликдаги фаолиятини бошлади.

Андрей Акопянц Ўзбекистон миллий терма жамоаси сафида 40 та учрашувда майдонга тушиб, 6 та гол киритган. "Пахтакор" ва терма жамоа либосидаги ёрқин ўйинлари сабаб у мухлислар ёқимтойига айланган. Акопянц миллий жамоа либосида илк бор 1998 йил Ҳиндистонга қарши ўртоқлик учрашувида майдонга тушган. Вега да Силва уни илк бор терма жамоага жалб этганди. У 2000 ва 2004 йилги Осиё Кубокларида иштирок этган. 2005 йил ЖЧ-2005 саралаш босқичидаги меҳмонда Жанубий Кореяга қарши учрашув унинг фаолиятидаги миллий терма жамоа сафидаги охирги ўйин бўлди. Андрей Акопянц бир неча йиллардан бери "Ростов" академиясида болаларга мураббийлик қилиб келмоқда. 


Кейинги хабарларимизда қайси футболчи ҳақида маълумот олишни истайсиз? 


1-сон. Жаҳон чемпионатида қатнашган, "Пахтакор" билан совринларни ютган Ильдар Магдеев ҳозир қаерда?

2-сон. Осиё вице-чемпиони, "Насаф"да порлаган Кенжа Тўраев ҳозир қаерда? 

Муаллиф : Iskandarov Abdulaziz
Рейтинг: +9   

Фикрлар

championat.asia
< сўнгги янгиликларни кўриш
Яндекс.Метрика