Эшитдик-да! "Манчестер Юнайтед" собиқ футболчиси "Навбаҳор" бош мураббийи бўлади

Эшитишимизга қараганда, ўз вақтида "Манчестер Юнайтед", "Эвертон", "Фиорентина", "Манчестер Сити" каби клубларда ўйнаган Канчельскис Наманганнинг "Навбаҳор" клуби бош мураббийи бўлишга яқин турибди.  

Бугун бўлиб ўтган "Бунёдкор"га қарши ўйин "Навбаҳор" бош мураббийи Илҳом Мўминжонов учун катта эҳтимол билан сўнгги баҳс бўлди ва унинг ўрнини россиялик мутахассис эгаллаши кутилмоқда.

Андрей Антанасович Канчельскис
Туғилган санаси: 1969 йил 23 январь
Туғилган жойи: Кировоград, Украина
Фуқаролиги: Россия
Футболчиликдаги фаолияти: ярим ҳимоячи

Ўйнаган жамоалари: "Звезда", "Динамо Киев", "Шахтёр", "Манчестер Юнайтед", "Эвертон", "Фиорентина", "Рейнджерс", "Манчестер Сити", "Саутгемптон", "Ал Хилол", "Сатурн", "Крилья Советов"

Собиқ иттифоқ терма жамоасида 17та ўйин ўтказиб 3та гол урган. МДҲ терма жамоасида 6та ўйин ўтказганди. Россия терма жамоасида 36та учрашув ўтказиб, 4та гол урган.

Бошқарган жамоалари: "Торпедо-Зил", "Уфа", "Волга", "Юрмала", "Солярис".

Ютуқлари: Собиқ Иттифоқ чемпионати бронза медали (1989), Собиқ Иттифоқ Кубоги (1990), Европа Суперкубоги (1991), Англия чемпиони (1993, 1994), Англия кубоги (1994), Англия лига кубоги (1992), Англия Суперкубоги (1993, 1994), Шотландия чемпиони (1999, 2000), Шотландия кубоги (1999, 2000, 2002), Шотландия лига кубоги (1999, 2002), Саудия Арабистони кубоги (2003), Ёшлар ўртасидаги Европа чемпионати ғолиби (1990).