2025 йилгача шу иш қилинмаса, "Титаник" каби шўнғиётган футболимиздаги болаларни қутқариб қола олмаймиз

"Титаник" чўкаётган саҳнада аввал болалар ва аёллар, кейин шароитига қараб эркаклар қутқарув қайиқларига чиқартирилган.

Бизнинг "Титаник"даги болалар бу вилоятлардаги БЎСМ тарбияланувчилари ва мураббийлари!

Келаётган янги 3 йил давомида;

Ўзбекистондаги мавжуд барча туманлардаги стадионларни ободонлаштириш (профи таъмир эмас, футбол ўйнайдиган ҳолатга олиб келиш).

Инвентарлар билан таъминлаш (биржадаги сарқит нарсаларни бериш эмас. Бир мавсумга 100та яхши 120-150 минг сўмлик тўпи йўқ жойдан натижа талаб қилишга ҳаққингиз йўқ. Биржадаги 120 мингли тўпнинг асл нархи 30-40 минг).

Мураббий таълими. Маош 1.5 млн сўм лицензияга ўқиш 5 млн. Оилани ким боқади?

Ўзбек тилидаги содда қўлланма, рус тилидан тушунмас таржима қилингани эмас. Расмлари билан. 7-10 ёш, 11-13, 14-18 ёшга содда, битта ўқиб тушунадиган қўлланма. Шунчаки таржима эмас.

Сифатли мусобақа, боллардан пул йиғмай борадиган, ховлида эмас, оёқни узатиб ётадиган меҳмонхона.

Халқаро мусобақа, Динамо Киев, Спартак Москва, Генк, Порту, келсин ана, йўл кира меҳмонхонасини 4та жамоага қилиб бериш 1 млрд сўм ҳам бўлмайди. Бундай маблағ бор бизда, йўқ эмас! 10-11 ёшда бундай пул ҳам кетмайди аслида.

Ва энг муҳими бу ишларни ТОШКЕНТдан туриб бошқариш, ўша иш битмагунча тепасида туриш ўтказиш билан қоғозда иш БИТМАЙДИ!

3 йил давомида шу ишларни қила олмаймизми? Қила олмасак, кейинги авлодга титаникдан ҳеч кимни омон сақлаб бера олмаймиз.

Нодирхўжа Юлдашев