O'FA birinchiligi musobaqalari ikki karra g'olibi bo'lib, o'smirlar terma jamoasiga 8 nafar futbolchi etkazib bergan Bobur Abdurahmonov yilning eng yaxshi bolalar murabbiyi deb topildi.
"Bu mukofotdan xursandman. O'tgan yilda 3 ta musobaqada qatnashgan bo'lsak, barchasida yutuqni o'zimizniki qildik. Bundan keyin ham to'xtab qolmasdan yaxshiroq natijaga erishishga harakat qilamiz.
Har doim oldimga oliy maqsadni qo'yaman. Yil boshida 3 ta musobaqada yutishni niyat qilgandik. Bunda menga murabbiylar shtabida Akmal aka Xolmatov, Mixail Spiridonov, Bahodir akalarga ham rahmat aytaman. Bir-birimizga yordam berdik va shu natijaga keldik",- deydi Bobur Abdurahmonov.
