Андрей Шипилов: "Тажрибали футболчилар учун бундай қўпол хато қилиш ярашмайди"
10 мар 2019 16:31
Янгиликлар

Андрей Шипилов: "Тажрибали футболчилар учун бундай қўпол хато қилиш ярашмайди"

Суперлига 1-туридан ўрин олган "Сурхон" - "Металлург" (1:1) учрашувидан сўнг Андрей Шипилов матбуот анжуманида иштирок этди.

"Биринчи тур доим шундай бўлади. Об-ҳаво яхши, ажойиб муҳит бўлди. Бу шаҳар Суперлигага муносиб эканини исботлади. "Сурхон"нинг кучли ва кучсиз томонларини яхши билардим. Ўйин бошида режаларимиз бузилиб кетди. Қўпол хато қилдик ва гол ўтказиб юбордик. Буни албатта кўриб чиқамиз ва таҳлил қиламиз. Тажрибали футболчилар учун бундай хато қилиш ярашмайди.
Иккинчи таймда Зоҳид Абдуллаев ва Ислом Исоқжоновда қулай имкониятлар бўлди.

Бугун "Металлург" 75 фоиз куч билан ўйнади.

Янги мавсумда "Металлург"нинг мақсади кучли олтиликка кириш. Яъни мақсадимиз ўтган йилги натижамиздан пастга тушмаслик", - дейди Андрей Шипилов.