Зотеев ва Яничич "КЮ-2015"нинг биринчи кун меҳмони бўладилар

Илк тур ўйинларида "Пахтакор" жамоаси темирйўлчиларга қарши баҳс олиб боради. "Бунёдкор" эса "Спартак" билан ўйнайди. Болаларнинг футболга бўлган мехрларини янада ошириш мақсадида, ҳар бир ўйинга ўзбек футболида ўз ўрнига эга бўлган юлдузларни жалб этиш мақсад қилинган. Жумладан, 1-тур ўйинларида "Локомотив"нинг икки нафар аъзоси - Неманя Яничич ва Олег Зотеев иштирок этадилар. Уларнинг ҳар иккиси биринчи турда тўқнаш келадиган жамоаларда ёрдамчи мураббий сифатида иштирок этадилар. Бундан ташқари, танаффус чоғида болаларнинг фаолиятларида бир умр ёддан чиқмайдиган маслаҳатларни беришади. 

1-тур якунига етганидан сўнг, болалар "MegaPlanet" савдо мажмуасидаги "Mega Cinema" кинотеатрида маданий ҳордиқ чиқарадилар. 

Мусобақа тақвими:

11 ноябрь. "Пахтакор - Ёшлик" спорт мажмуаси

10:00. "Пахтакор" - "Локомотив"

11:00. "Бунёдкор" - "Спартак"

12 ноябрь. "Бунёдкор" спорт мажмуаси

10:00. "Бунёдкор" - "Пахтакор"

11:00. "Спартак" - "Локомотив"

13 ноябрь. "Пахтакор - Ёшлик" спорт мажмуаси

10:00. "Локомотив" - "Бунёдкор"

11:00. "Пахтакор" - "Спартак"

12:00. Тақдирлаш маросими.