Мирко Еличич: "ФарДУ" курашувчан ва доим босим уюштирадиган жамоалар сирасига киради"
18 авг 19:46
Новости

Мирко Еличич: "ФарДУ" курашувчан ва доим босим уюштирадиган жамоалар сирасига киради"

Про-лиганинг 12-тури доирасидаги "ФарДУ" – "Локомотив" (0:2) баҳсидан кейин меҳмонлар бош мураббийи Мирко Йеличич матбуот анжуманида қатнашди.

"Кутилганидек, қийин ўйин бўлди. Майдон биз учун қайсидир маънода янги эди. "ФарДУ" курашувчан ва доим босим уюштирадиган жамоалар сирасига киради. Иккинчи таймда сал қийналдик. Йигитлар кейинроқ ўзларига келишди. Умуман олганда, футболчилардан кўнглим тўлди. Энг муҳими, 3 очкони қўлга киритиш эди", – деди Еличич.

- Нима учун Леван Арвеладзени захирада қолдирилганди?

- Ротацияга қўл уриб, бошқа футболчиларга ҳам имкон беришни истагандик.

- Бугун ёш футболчи Аброр Алиев бошланғич таркибда майдонга тушди. Унинг ўйинларига қандай баҳо берасиз?

- У яхши сифатларга эга. Айрим жиҳатларини кучайтириши керак, секин-аста ўсиб боради.

- "ФарДУ" янги стадионда илк бор ҳаракат қилди. Майдон ҳақида нима дея оласиз?

- Стадион – шинам. Чим яхши ҳолатда, фақат ер бироз нотекисроқ экан. Буни футболчилар яхшироқ ҳис этади.

- Ўйин охирида жамоа тўпурари Акаки Шулая жароҳат олгандек туюлди. У ўзини ўзгартиришни сўради. Унинг ҳозирги ҳолати ҳақида маълумот берсангиз...

- Яхши ҳолатда. У ўзини бироз ноқулай ҳис этди, шунинг учун алмаштиришга қарор қилдик.

Ссылка :

Источник : Championat.asia

Получайте новости прямо в Telegram!

Рейтинг: +2