"Ювентус" спорт директори "Олтин тўп" натижаларини шубҳали деб атади
03 дек 2019 13:40
Новости

"Ювентус" спорт директори "Олтин тўп" натижаларини шубҳали деб атади

"Ювентус" спорт директори Фабио Паратичи "Олтин тўп" овоз бериш натижаларига изоҳ берди.

2019 йилда нуфузли соврин ғолиби "Барселона" ҳужумчиси Лионель Месси бўлди.

"Бу Криштиану Роналду учун қийин пайт эмас. Биз ҳар доим уни "Олтин тўп"ни ютишга лойиқ деб ўйлаганмиз. Овоз бериш натижалари ҳар доим шубҳали. Роналду тиззасидан жароҳат олгани сабабли машғулотларни ўтказиб юборишига тўғри келди ва биз мукаммал вазиятларда унинг қилган ишлари учун миннатдормиз", - дейди Паратичи.

34 ёшли Роналду "Олтин тўп" учун овоз беришда учинчи ўринни эгаллади. 32 ёшли Месси эса олтинчи маротаба "Олтин тўп"ни қўлга киритиб, янги жаҳон рекордини ўрнатди. "Олтин тўп"лар сони бўйича аргентиналик Роналдудан олдинга ўтиб олди. Португалиялик бу мукофотни беш марта ютган.

Ссылка :

Источник : Corriere dello Sport

Получайте новости прямо в Telegram!

Рейтинг: -13