Владимир Ежуров: "Хатоларимиз йўқ эмас. Муҳими, ғалаба қозондик"

Ўйин ҳақида

"Сўнгги матбуот анжуманида ҳам айтганимдек, ҳозирда қийин вазиятдамиз. Йигитлар ҳам буни тушуниб турганди. Уларнинг фикрлашини тубдан ўзгартиришимиз талаб этиларди. Тезкор ҳужум ва стандарт вазиятлардан самара чиқара олдик. Буни рақибни ўрганиш чоғида футболчиларга айтгандик.  Хатоларимиз йўқ эмас. Энг муҳими, ғалаба қозондик. Қайсидир вазият ўхшади, қайсидир бири ўхшамади. Олдинга интилишда давом этамиз",- дейди Владимир Ежуров. 

- Жамоада пенальтини тепадиган футболчи борми?

-  Шаҳзод Убайдуллаев пенальтиларни ижро этаётганди. Лекин сўнгги ўйинлардаги омадсизликдан сўнг бугун Аброр Исмоилов пенальтини тепишга қарор қилди. Аброр Исмоиловдаги вазият футболда бўлиб туради. У жамоанинг етакчиларидан бири. Бу борада машғулотларда яна изланамиз. 

- Ўйинда якуний қарорни ким қабул қиляпти? Жамоада бош мураббий ким?

- Бош мураббий Виталий Левченко. Менинг вазифам унга ёрдам бериш. 

- "Нефтчи" таркибида дебютини ўтказган Нодирхон Неъматхоновнинг ўйинини қандай баҳолайсиз? 

- Неъматхонов дастлабки ўйинини ўтказди. Тўғри, унга тажриба етишмаяпти. Бу табиий ҳолат. Унга етарлича имконият беряпмиз.  Бу катта масъулият талаб қилади. Нодирхон тезкор футболчи. Унинг ёрқин келажаги борлиги шубҳасиз. 

Қизил карточкаларга келсак, мураббийлар штаби бу борада ишлайди. Ишлашда давом этсак, ғалабалар ҳали кўп бўлади. 

Бизда тажрибали ва тенг кучли дарвозабонлар бор. Йўлга қўйилган камчиликларни таҳлил қиламиз. Ўйлайманки, футболчиларимиз навбатдаги учрашувларда бундай хатоларга йўл қўйишмайди. Ҳали қиладиган ишларимиз кўп. Барча жамоа хато қилиши мумкин", деди Ежуров.