Виталий Левченко: "Қарши ҳужумда ўтказиб юборилган голлар мағлубиятга сабаб бўлди"

Ўйин ҳақида

- Ўйин биз учун кутилмаган  бошланди. Қарши ҳужумларда голлар ўтказиб юбордик. Биринчи бўлимнинг ўзида "Пахтакор" жамоаси иккита қарши ҳужумдан унумли фойдаланиб кетди. Биласизми, биринчи голни ўтказиб юборганимиздан сўнг Норчаевнинг вазиятида ҳисобни тенглаштирганимизда умуман бошқача ўйин бўларди. Яхши вазият эди, бироқ якуний зарбага аниқлик етишмади.

Иккинчи бўлимда "Пахтакор"нинг услуби кескин ўзгариб кетди. Режамизда вазиятга қараб иккинчи рақамли услуб ҳам бор эди. Жамоа деярли олдинга чиқмай қўйди. Шундай бўлса ҳам ҳужумларда омадимизни қидирдик, бироқ ўхшамади.

- "Нефтчи"даги муаммолар аниқ нималардан иборат?

- Таркибдаги йўқотишлар, жароҳатлар ва чарчоқ. Асосий таркибни тўлиқ ўйната олмаяпмиз. Ротациялар қилишга уринаяпмиз, бироқ айрим жойларда маҳорат етишмаяпти. Ҳар бир вазиятни таҳлил қилиб борамиз, керакли чораларни қўллашга интиламиз.