Виталий Денисов: "Локомотив" нега уйида ғалаба қозона олмаётганини билмайман"

"Ўтган мавсумга эътибор берсак - "Уфа" биз учун ноқулай рақиб. Мураббийлар штабимиз рақибнинг кучсиз томонларини топа олади деб умид қиламан. Сунъий майдон ўз таъсирини ўтказмай қолмайди. "Уфа" билан ғалабасиз серия? Ҳамма нарсанинг охири бор. Агар яхши нарса ҳақида ўйламасанг, майдонга чиқишни кераги йўқ. Олдинги учрашувлар ҳақида бош қотирмаймиз.

Нега уйда ғалаба қозона олмаётганимизни билмайман. Имкониятлар бор, "Терек"ка қарши ўйинимиз ўхшади, аммо тўпнинг дарвозага киргиси йўқ. Уфада Черевченкога ғалаба тақдим этишга тайёргарлик кўряпмиз. Бундай рақиблар билан иложи борича кўпроқ очко тўплаш керак.

Кеча Россия Темир Йўлларидаги ўзгаришлар ҳақида хабар ўқиб қолдим. Йигитлар билан бу борада суҳбатлашганим йўқ. Бунинг бизга алоқаси бўлмайди деб ўйлайман. Агар ўзгариш бўлса бизга бу ҳақда маълум қилишади. Кутилмаган ходиса рўй беради деб ўйламайман" - дейди Денисов.