Венгер "Арсенал"да ишлаб юрганида қайси клублар таклиф билан чиққанини айтди
08 ноя 2021 23:30
Новости

Венгер "Арсенал"да ишлаб юрганида қайси клублар таклиф билан чиққанини айтди

"Арсенал"нинг собиқ бош мураббийи Арсен Венгер клубдан кутилганидан кўра эртароқ кетиши мумкин бўлганини айтди.

"Бу клуб билан бутунлай бир тан-у бир жон бўлганим катта хато бўлган. Менинг энг катта камчилигим - ўз иш жойимни қаттиқ яхши кўришим. Бундан афсусланаман. Бошқа жойларда ҳам ишлашим мумкин эди.
Баъзида ўйлаб қоламан: енгилмас бўлиб мавсумни тугатган йилимиздан кейин клубдан кетсам нима бўлиши мумкин эди? 2007 йилда барчаси ўзгариб кетиши мумкин бўлганди. Ўшанда клуб билан бироз келишмовчиликлар юзага келди.
Клуб ишончи ва Дэвид Дэйннинг ишончи: икки ўт орасида қолиб кетгандим. Ҳалигача ўшанда қилган танловим учун ўзимга ўзим савол бераман: ўша танловни бекор қилишнинг иложи бормиди?
Франция термасини бошқаришим мумкин эди. Англия термаси мени икки ёки уч марта чақирди. "Реал"га кетишим мумкин бўлганди. "Ювентус", ПСЖ ва ҳатто "Манчестер Юнайтед"ни бошқаришим мумкин бўлганди", - деди Венгер.

Венгер 1996 йилдан 2018 йилга қадар "Арсенал"ни бошқарди.

Ссылка :

Источник : Goal

Получайте новости прямо в Telegram!

Рейтинг: +16