Уругвай бош мураббийи Гиннеснинг рекордлар китобидан сертификат олди
16 ноя 2019 20:50
Новости

Уругвай бош мураббийи Гиннеснинг рекордлар китобидан сертификат олди

Уругвай футбол ассоциацияси миллий терма жамоаси бош мураббийи Оскар Табаресни мукофотлаш учун маросим ўтказди.

72 ёшли мутахассис июнь ойида Уругвай терма жамоа устози сифатида 200-ўйинини ўтказганди. Бу мураббийлар ўртасида мутлоқ рекорд ҳисобланади.

Шу муносабат билан кеча унга Гиннеснинг рекордлар китоби сертификати топширилди. Бунда 154 футболчи билан Табареснинг сурати акс этган портрет ҳам бор.

Табарес Уругвай термасини 1988 йил 27 сентьябрдан 1990 йил 25 июнгача ва 2006 йил 21 майдан ҳозирги кунга қадар бошқариб келмоқда.

2010 йили у терма жамоа билан ЖЧ-2010 ярим финалига қадар етиб борган, 2011 йили эса Америка кубогида зафар қучган.