"Уфа" раҳбари Ўруновнинг Gucci ва Louis Vuitton'даги харидлари ҳақида: "Агар МУМни сотиб олмоқчи бўлса, олаверади. У ўғирлагани йўқ, ишлаб топди"

- Ўрунов ўзининг инстаграм саҳифасида МУМ (марказий универсал магазин)дан қилган харидларини жойлади ва бу дарҳол интернетда танқид қилинди. Ушбу постни кўрдингизми? Бу ҳақда нима дейсиз?

- Танқидга салбий муносабатдаман. Остон - ёш йигит, унинг учун хурсанд бўлиш керак, барчасини ўз меҳнати билан топган, ўғирламаган. Агар МУМни сотиб олишни хоҳласа, сотиб олаверсин! Мен эса бошқа дўконларга боришни афзал кўраман, мен учун бу сал қимматлик қилади (кулади).

- Москва Остоннинг бошини гангитиб қўймадимикин? Сизнингча, бу биринчи белгилар эмасми?

- Ундай демаган бўлардим. Инсонлар майдонда ва ташқарида ўзларини бошқача тутишлари мумкин. Кўрганингиздек, Ўрунов доим курашларга чанқоқ, ҳеч қачон тўхтамайди, дангаса эмас. Ҳатто унинг кучи қолмаган бўлса ҳам, югуради, ишлайди. Профессионал йигит. Унинг ҳатто ёмон одатлари ҳам йўқ, Остон доим спортда. Хўш, дўконга одам кириб келди, нима қилибди? Бунда муаммо кўрмаяпман. Мен уни қўллаб-қувватлайман.

- Айтишларича, Остон "Спартак"да ҳали аванс ҳам, маош ҳам олмаган. Клубингиздаги маош футболчига бундай шопинг (савдо) қилишга имкон берадими?

- (Кулади) Ростини айтсам, фақат нархлари арзонлаштирилган маҳсулотлар учун етса керак, - дейди Мурзагулов.

Эслатиб ўтамиз, ўзбекистонлик хавбек бундан бир неча кун олдин ўзининг Gucci ва Louis Vuitton'даги харидлари акс этган суратини истаграм саҳифасига жойлаган ва бир оздан сўнг постни ўчириб ташлаган эди.

→ ФОТО  Остон Ўрунов "Уфа"га қарши ўйин "Спартак" билан Бошқирдистонга етиб келди