Тожикистон U20 устози: "Жанубий Кореяга қарши қандай ўйнашни биламан, лекин майдонда режадагидек ўйин ўтказиш қийин"

- Ўйин ҳакида фикрларингизни айтиб ўтсангиз? 

- Ўтган учрашувдан сўнг ғалаба қозониш муҳим эди ва бугун мақсадга эришдик. Учрашувда кўп хатоларга йўл қўйдик, шунга қарамай вазитлар ҳам ярата олдик. 

- Ҳужумчиларингизнинг ўйинига баҳо бериб ўтсангиз? Улар жуда кўп вазиятларни кўкка совуришди. 

- Ўтган матбуот анжуманида ҳам хужумчиларимиз ҳақида фикр билдириб ўтгандим. Ўша фикримда қоламан, улар кўп вазиятлардан фойдалана олишмаяпти ва бу бизга зарарга ишламоқда. 

- Ғалаба албатта муҳим, лекин ўйин сифатига ва ўйинчиларингизга қандай баҳо берасиз? 

- Мен ҳар доим катта ёшли жамоаларда ишлаганман. Катталар жамоасида бундай ўйинга яхши баҳо берилмайди, лекин бу таркиб ҳали ёш ва шу сабаб уларни баҳоламайман, чунки улардан ҳамма нарса кутса бўлади.  

- Дарвозабонлар ва ҳимоячилар бугун жуда кўп ҳато қилишди. Бунга сабаб нима? 

- Майдон сифати бўйича саволлар бор дарвозабонимиз тўп майдонда сакраб кетаётгани айтди ва шу сабаб бугун улар кўпроқ ҳато қилди деб ўйлайман, чунки тўп билан муомала қилиш қийинлашади. 

- Кейинги учрашув Жанубий Кореяга қарши, улар 6 очко тўплаб бўлишди ва деярли гуруҳдан чиқишди. Сизнинг жамоангиз учун эса кейинги учрашув ўта муҳим бўлади, кейинги учрашувда жамоангиз қандай ўйин кўрсатади?

- Жанубий Кореяга қарши учрашувда қандай ва қайси услубда ўйнашни биламан, лекин майдонда режадагидек ўйин ўтказиш қийин.