Тео Эрнандес "Ал Ҳилол"га ўтишга рози бўлди, клублар келишувга эришди
23 июн 15:07
Новости

Тео Эрнандес "Ал Ҳилол"га ўтишга рози бўлди, клублар келишувга эришди

"Милан" ҳимоячиси Тео Эрнандес "Ал Ҳилол"га ўтишга яқин турибди, дея хабар берди инсайдер Жанлука Ди Марцио.

Аввалроқ 27 ёшли франциялик Саудия Арабистони клубига ўтишдан бош тортаётгани ҳақида маълумот пайдо бўлганди. Манбанинг хабарига кўра, ҳозир вазият ўзгарган – футболчи бу вариантни кўриб чиқишга тайёр. Клублар унинг трансферини 35 миллион еврога келишиб олган.

Эрнандес 2019 йилдан бери "Милан"да ўйнаб келмоқда. У ўтган мавсум барча турнирларда 49 ўйинда қатнашиб, 5 та гол урди ва 6 та голли пас узатди.

Transfermarkt портали Теонинг трансфер нархини 35 миллион еврога баҳоламоқда. Унинг "Милан" билан шартномаси 2026 йилнинг июнь ойи охирида якунига етади.

Ссылка :

Источник : gianlucadimarzio.com

Получайте новости прямо в Telegram!

Рейтинг: +1