Суперлига тўпурари расмий ўйинларда 3 йилдан бери энди гол урганини биласизми?
05 мар 2023 22:48
Новости

Суперлига тўпурари расмий ўйинларда 3 йилдан бери энди гол урганини биласизми?

Coca Cola Суперлигасининг 1-туридан сўнг "Нефтчи" футболчиси Умар Адҳамзода чемпионат тупурари бўлиб турибди.

Адҳамзода дастлабки тур қаҳрамонига айланди, у "Металлург"га қарши баҳсда дублга эришди ва ассист ёздириб қўйиб, 2 та гол билан Суперлига тўпурарига айланди.

Қизиғи шундаки, Адҳамзода "Нефтчи" сафида расмий ўйинларда ҳалигача гол урмаганди. Ўртоқлик учрашувлари бундан мустасно саналади, яқинда Умар "Крилья Советов"га қарши назорат учрашувида ҳам рақиб дарвозасини ишғол қилганди.

Эслатиб ўтамиз, Умар Адҳамзода 2020 йилнинг декабрида фарғоналиклар сафига келиб қўшилганди. Ўтган мавсум футболчи Суперлига доирасида 14 учрашувда майдонга тушган. Ундан аввалги йил эса Про-лига ҳамда Ўзбекистон кубоги доирасида 17 баҳсда иштирок этган.