Сон "Тоттенхэм" билан шартномасини 2025 йилга қадар узайтирди
23 июл 2021 14:25
Новости

Сон "Тоттенхэм" билан шартномасини 2025 йилга қадар узайтирди

"Тоттенхэм" ўйинчи Сон Хён Мин билан янги шартнома имзолади.

Лондон клуби ва 29 ёшли хавбек ўртасида 2025 йилга қадар шартнома имзоланди.

"Ушбу клубда олти йилни ўтказиш - мен учун катта ғурур. "Тоттенхэм" менга катта ҳурмат кўрсатди ва албатта, бу ерда бўлишдан жуда ҳам мамнунман.

Бу менинг уйим, айниқса трибуналарда мухлислар бўлганда. Қарор жуда осон бўлди. Мен бу ерда бўлишдан бахтлиман. Мухлисларни яна трибуналарда кўришдан мамнун бўлар эдим", - дейди Сон.

Сон 2015 йилнинг августидан бери "шпорлар" сафида ўйнайди. У клуб сафида 280та ўйинда майдонга тушиб, 107та гол ва 64та ассист қайд этган.