Шевченко Хомяков штабида, Грузия ва Украинадан легионерлар қўшилади ёхуд "Андижон" Туркияга етиб келди

Бугун "Андижон" билан биргаликда "Сўғдиёна", "Насаф" жамоалари хориж йиғини учун жами 5 соатлик парвоздан сўнг Анталияга етиб келди. Бугун шунингдек тонгда "Турон" ва "Олимпик" Истанбул орқали манзилга йўл олди. 

"Турон" Туркияга йўл олди

"Олимпик" жамоаси Туркияга қандай таркиб билан учиб кетди?

"Насаф" Туркияга қандай таркиб билан етиб боргани маълум бўлди

"Андижон" жамоаси тушликдан сўнг "ASTERIA KREMLIN PALACE" меҳмонхонасига жойлашди. "Бургутлар" бугунниг ўзида машғулотларга киришишди. Футболчилар енгил машқларни бажаришди. Бу ердаги машғулотлар 17 февралга қадар давом этади. Дастлабки ўртоқлик учрашуви 31 январь куни Руминиянинг "Чиксереда" клубига қарши бўлиб ўтиши режалаштирилган. Маълумот ўрнида айтиш жоиз, бош мураббий Александр Хомяковга эндиликда Николай Шевченко ва Анатолий Курлаев ҳам кўмаклашади. 

“Андижон” делегациясининг Туркияга йўл олаётган таркиби қуйидагича:  

Раҳбарият

Бош директор: Улуғбек Мирзаев

Спорт директори: Элбек Саматов

Бош мураббий: Александр Хомяков

Бош мураббий ёрдамчиси: Артём Петросян

Дарвозабонлар мураббийи: Қобил Олимжонов

Мураббийлар: Элёр Раҳматуллаев, Николай Шевченко

Жисмоний тайёргарлик бўйича мураббий: Анатолий Курлаев

Шифокор: Ғофуржон Жўраев

Физиотерапевт: Оматилло Ортиқов

Массажчи: Азизбек Каримов

Администратор: Хурсандбек Қосимов

Матбуот котиби: Шуҳратбек Жўраев

Таҳлилчи: Шерзодбек Мамадалиев

Футболчилар

Дарвозабонлар: 

Элдор Адҳамов

Моҳир Комилов

Ҳимоячилар:

Илдар Маматказин

Ислом Маматказин

Абдураҳмон Комилов

Абдувоҳид Ғуломов

Владимир Бубанья

Аҳмаджон Анваров

Илҳом Алижонов

Ярим ҳимоячилар:

Аслбек Айсаров

Фарҳод Бекмуродов

Сардор Азимов

Фарҳод Соҳибжонов

Муҳаммадкарим Тоиров

Илҳом Абдуғаниев

Сардор Абдунабиев

Суҳроб Бердиев

Ҳужумчилар:

Шаҳбоз Эркинов

Иззат Абдулхақов

Бобур Фарҳодов

Жамоага қўшилиши кутилаётган легионерлар

Жумладан, 1988 йилда таваллуд топган украиналик тажрибали дарвозабон Игорь Литовка “Андижон” ихтиёрига етиб келади. Унинг охирги клуби Хорватиянинг “Загора” жамоаси ҳисобланади.

Украиналик ярим ҳимоячи Леван Арвеладзе ҳам “Андижон” сафига қўшилади. 1993 йилда туғилган Арвеладзе ярим ҳимоячи бўлиб, бунгача Грузиянинг “Торпедо” Кутаиси клуби шарафини ҳимоя қилган.

Булардан ташқари, яна бир легионер грузиялик ярим ҳимоячи Нодари Кавтарадзе бўлиб, у 1993 йилда таваллуд топган. Тажрибали ўйинчининг сўнгги жамоаси Кутаисининг “Торпедо”си ҳисобланади.