Шавкат Саидов: "Натижадан кўнгил тўлди, ўйиндан эса қисман..."
22 мая 2016 13:01
Новости
![](https://championat.asia/upload/storage/208801_original.jpg)
![](/upload/storage/208801_220.jpg)
Шавкат Саидов: "Натижадан кўнгил тўлди, ўйиндан эса қисман..."
Шавкат Саидов, “Металлург” ФК жамоа бошлиғи: - Бугунги натижадан тўлиқ қониқиш ҳосил қилдик. Олмалиққа ижобий натижа учун келгандик, ғалаба қозонганимиздан хурсандмиз. Аммо ўйиндан тўлиқ қаноатландик деб айта олмайман. Танаффус пайтида ҳам, учрашув якунланганидан кейин ҳам бош мураббийимиз Рустам Мирсодиқов кийиниш хонасида йигитларга ўз эътирозларини билдирди. Ўйинни яхши бошлаб, хотиржамликка берилиш яхши оқибатларга олиб келмаслигини, топ жамоалар бундай вазиятларда аяб ўтирмаслигини таъкидладилар. Ўзларингиз кўрдингиз, 2:0 ҳисобида ғалаба қозонаётган пайтимизда футболчиларимиз бўшашишди. Оқибатда “Олмалиқ” биринчи таймнинг ўзидаёқ ҳисобни тенглаштириб олди. Мезбонлар ғалаба қозониб кетишлари ҳам мумкин эди.
“Олмалиқ”қа келадиган бўлсам, бу жамоада иқтидорли ўйинчилар жамланишган. Натижа нега ижобий томонга ўзгармаётганлигини тушунмаяпман. Аммо бошланган ишни ташлаб қўймаслик керак. Шу ўйинчиларнинг ўзи билан ҳам юқори натижалар учун курашадиган коллективни шакллантирса бўлади. Фақат бунга ишониш, ишлаш зарур.
"Металлург" матбуот хизмати
Похожие новости
![AMP Logo](https://championat.asia/image/logo-amp.png)
Комментарии