Сергей Лушан: "Огород"да футбол ўйнаш мумкин эмас"

"Бугун асабий, курашларга бой ўйин бўлди. "Огород"да футбол ўйнаш мумкин эмас. Бугун ўйинимиз умуман ўхшамади.

"Андижон"ни табриклайман, улар бир очкони қўлга киритишди ва олий лигада қолиш имкониятини яхшилаб олишди. Бу шаҳар жамоаси олий лигада қолишга ҳақли деб ўйлайман.  

Агар бугун "Локомотив" ғолиб бўлса чемпионлик учун имкониятимиз деярли қолмайди.

Олдинда "Навбаҳор" билан, "Локомотив" билан ўйинлар бор. Кубок ярим финал жавоб баҳси бор. Ҳар бир ўйинга алоҳида тайёргарлик кўрамиз.

Элдор Шомуродов ва Отабек Шукуров аслида бугун захирада ўтиришлари керак эди. Сабаби терма жамоа мураббийлари уларни имкон қадар камроқ ўйнатишимизни илтимос қилишди. Бироқ Алемпиевичнинг кутилмаган жароҳати туфайли Шукуровни асосий таркибга қўйдик, бошқа чорамиз йўқ эди", - дейди Сергей Лушан.

"Андижон" матбуот хизмати