Сергей Лушан: "Ҳеч бир футболчига эътрозим йўқ"

"0:1 ҳисобида мағлуб бўлдик. Рақиб биз билан тенг эди. Кеча айтгандим, бундай жамоага қарши ўйнамаганмиз. Ҳимояда жуда яхши ўйнади. Вазиятлар яратдик ва гол ура олмадик. Ўзимиз эса ҳимояда қўпол хатога йўл қўйдик. ОЧЛда бундай хатолар жуда қимматга тушади", - дейди Сергей Лушан.

- Ҳаммаси яхши кетаётганди. Ҳужумда тезкорлик билан ҳаракат қилинмади.
- Биласизми умуман керак бўлмаган пенальти керак эмасди. Йигитлар сўнгги дақиқаларда катта куч билан олдинга ўтишди. Биз ғалаба қозонишга уриндик. Ҳеч бир футболчига эътирозим йўқ. Гол ура олмаганимиз муаммоимиз. Гуруҳдан чиқиш учун охиригача курашамиз.

- Элдор Шомуродов ҳақида нима дея оласиз? У қанчалик сизнинг кўрсатмаларингизни бажара олди.
- Шомуродов 90 фоизга барча ишни тўғри қилди. Воҳид Шодиев бутун 90 дақиқа ўйнашга тайёр эмасди, шу боис уни захирадан майдонга туширди.

- Нима учун Сардор Рашидов иккинчи қаватдаги курашларда иштирок этмайди?
- Биз уни машғулотларда уришамиз. Аммо жазолай олмаймиз. Унинг кучи тезкорликда. Менга барча жабҳада кучли бўлган футболчини кўрсатинглар. Бундай ўйинчи йўқ.

- Шомуродов 90 фоизга кўрсатмангизни бажарди дедингиз. У 90 фоизда тўпни йўқотди. Сиз бундай кўрсатма бермагандирсиз?
- У 4 марта хатога йўл қўйди. Элдорнинг кучи жарима майдонидаги ўйинда намойиш этилади. Агар у гол урганида бугун ажойиб ўйнаган бўларди, шундайми? Йўқ.

 - Кейинги ўйинда қайси таркибни туширасиз? Тактикани ўзгартирасизми?
- Ҳозир мен барчага таркибни айта олмайман. Кейинги ўйинимиз "Бухоро"га қарши ўйнаймиз. Ўша куни ким тайёр бўлса ўша майдонга тушади.

- Рақиб "Бунёдкор"ни ўрганиб шунга яраша тактика танлади. Сизда бу ҳолат қандай бўлди?
- Рақиб қандай ўйнашини билардик, аммо айнан қайси тактика танлашини билмасдик. Албатта пенальти аламли. Хато барчада бўлади. Балки пенальти бўлмаганида ҳисоб умуман бошқача бўлармиди? Қайтариб айтаман, гуруҳдан чиқиш учун охиригача курашамиз.

Нарзулла Сайдуллаев