RU

Последние новости

12:58Мадуэке: "Арсенал" билан иштирок этадиган барча мусобақаларимда ғолиб чиқишни истайман"  0 12:27ПСЖ "Ювентус" юлдузини нишонга олди  0 11:47"Милан" ПСЖ футболчисига даъвогарлик қилмоқда  0 11:20Кападзе, Лёв, Билич – кимнинг ўйин услуби Ўзбекистонга мосроқ?  38 10:29"Динамо" Беларусда учта ўртоқлик ўйини ўтказади  2 10:05"Эсхата" устози Шуҳрат Умаров: "Шацкихга омад, ОЧЛда "Андижон"га мухлислик қиламиз"  0 09:43"Хоразм" назорат учрашувида "Бунёдкор" ўринбосарлари билан дуранг ўйнади  1 09:22Иззатилло Пўлатов: "Халқимиз қўллаб-қувватлаб турса, барчасига бирга эришамиз"  1 08:46Одил Ҳамробеков "Трактор"да норасмий дебютини ўтказди  0 08:21"Манчестер Юнайтед" беш футболчига базага киришни тақиқлади — клуб улардан воз кечмоқчи  9 08:00"Финалиссима-2026": Испания ва Аргентина ўртасидаги супероқшом март ойида бўлиб ўтади  2 07:35Мутолаа учун. Раньери, Моуриньо, Карпин. Шомуродов энди туркиялик мураббий билан ишлайди. Аввалги мутахассислар билан қандай саргузаштлар бўлган?  2 01:17Максим Шацких: “Трансфер ойнаси ёпилгунича 2-3 нафар янги ўйинчи оламиз”  7 00:55"Андижон" назорат ўйинида Тожикистон жамоасини мағлуб этди  3 00:41Футболга қайтиш муборак: "Байер" Эрик тен Хагнинг дебют ўйинида йирик ҳисобда мағлуб бўлди  7

Сенегалда туғилиб, 16 ёшида уйидан чиқиб кетган ҳозир "Янгиер"да ўйнаётган футболчи билан суҳбат Новости

Сенегалда туғилиб, 16 ёшида уйидан чиқиб кетган ҳозир "Янгиер"да ўйнаётган футболчи билан суҳбат

Давралар оралиғи вақтида “Янгиер-қурувчи” ўз сафига босниялик ҳужумчи Секуба Диаттани қўшиб олди.

У дастлабки беллашувини “Зомин” (1:0) клубига қарши ўтказди. Хўш, бу футболчи жамоамизга қай тариқа келиб қўшилди. Буни у билан суҳбатда билиб оламиз.

- Секуба, “Янгиер-қурувчи” клуби келиб қўшилишингиз қай тариқа амалга ошди?
- Албатта, менинг янги жамоага ўтишим агентлар орқали амалга оширилди. Илгари ҳеч қачон Осиёда ўйнамаганман. Ўзбекистондан таклиф тушганидан кейин, ўйлаб ўтирмасдан келдим. Чунки бу мен учун янги чақирув ҳисобланади. Фаолиятимнинг асосий қисмини Европада ўтказдим ва қачондир Осиёда ҳам ўйнаб кўраман деган мақсад бор эди. “Янгиер” раҳбарияти менга ишонч билдиргани учун, миннатдорчилик билдираман.



- Жамоа билан қанча муддатли шартнома имзоладингиз?
- Ҳозирча мен мавсум якунига қадар жамоа шарафини ҳимоя қиламан. Барчаси яхши бўлса, шартномам муддатини яна узайтиришим мумкин.

- Ўзбекистонга келишингиздан аввал асосан қайси мамлакатлар жамоалари шарафини ҳимоя қилгансиз?
- Биласизми, мен асли Сенегалда туғилганман. Футболчилик фаолиятимни яхши кечишини ният қилиб, 16 ёшимда уйимни тарк этганман. Яъни, Босния мамлакатига кўчиб келганман. Айнан шу давлатда футбол академиясини якунладим. 19 ёшимда эса биринчи лига иштирокчиси билан профессионал шартнома имзоладим. Шундан кейин Босния Суперлигаси клубларида 4 мавсум ўйнадим. Европа лигаси саралаш баҳсларида ўзимни синаб кўрдим. Грецияда 5 йил фаолиятимдан орасида бир мавсум давомида Кипр мамлакатида ҳам фаолиятимни ўтказдим. Сўнгги мавсумни Греция қуйи лигасида ўйнадим.

- “Янгиер” сафида Про лига доирасида нечта гол уришни мақсад қилгансиз?
- Қанча кўп бўлса, шунча яхши (кулади). Биринчи маротаба бу ерга келдим ва Ўзбекистон футболи ҳақида маълумотга эга эмасман. Илгари Туркиядаги ўқув-йиғин вақтида Ўзбекистон клубига қарши ўйнагаман. Лекин чемпионатлар даражасидан бехабарман. Лекин кўпроқ гол урган ҳолда жамоага ёрдам бермоқчиман. Раҳбарият ва бош мураббий ишончини оқлашга тайёрман.

- Умуман олганда, жамоанинг ички муҳити қандай? Cизга барчаси маъқул келяптими?
- Бу борада бизда муаммо йўқ. Кўриб турибманки, жамоада яхши футболчилар йиғилган. Биз бирлашиб, бир-биримизни қўллаб ўйнасак, натижаларимиз янада яхши бўлади. Футболчилар ва мураббийлар ўртасида яхши муносабатлар шаклланган. Бош мураббий, ёрдамчиси ва дарвозабонлар мураббийи ҳар бир машғулотларда астойдил ишлашмоқда. Натижалар ҳам яхши бўлишига умид қиламан.



Рейтинг: +1   

Комментарии

championat.asia
< посмотреть последние новости
Яндекс.Метрика