Санжар Рашидов: “Афсуски омад биздан юз ўгирди”
05 мар 2017 16:50
Новости

Санжар Рашидов: “Афсуски омад биздан юз ўгирди”

Куни кеча Ўзбекистон чемпионати 1-тур учрашувларига старт берилди.

Ушбу турда Тошкентнинг “Бунёдкор” клуби ўз уйида Жиззахнинг “Сўғдиёна” жамоасини қабул қилди ва 1:0 ҳисобида ғалаба қозонди. Ушбу баҳсдан сўнг “Сўғдиёна” клуби футболчиси Санжар Рашидов ўз фикрларини билдирди.

“Бунёдкор”га қарши учрашувнинг биринчи бўлимида яхши ҳаракат қилаётган эдик. Иккинчи бўлимда ҳимоядаги хато туфайли дарвозамиздан гол ўтказиб юбордик.Бизнинг мақсадимиз рақиб жамоадан очко олиш эди.

Ушбу учрашувда жамоадошларим жуда ҳам яхши ҳаракат қилишди. Афсуски омад биздан юз ўгирди. “Қалдирғочлар”га қарши деярли янги таркиб билан майдонга тушдик. Айтиб ўтганимдек бизга омад етишмади”, - дейди “Сўғдиёна” клуби футболчиси Санжар Рашидов.

Жаҳонгир Сотволдиев ёзиб олди.

Ссылка :

Источник : championat.asia

Получайте новости прямо в Telegram!

Рейтинг: +9