Самвел Бабаян: "Биз ҳар ўйинда ғалаба учун майдонга тушамиз"

Самвел Бабаян: “Бу биз учун муҳим ўйин эди, чунки мазкур вазиятда турнир жадвалидаги ўрнимиз учун алоқаси бўлмаган ўйинда ғалаба қозондик. Йигитлар ўзларини жуда яхши томондан кўрсата олдилар. Биринчи бўлимда ёш футболчиларга имконият бердик. Машариповни мисол қилиб кўрсатсам бўлади.

Албатта биринчи бўлимдаги вазият ва ўйин мени қониқтирмади, лекин иккинчи бўлимда биз нимага “Пахтакор” Ўзбекистон чемпиони деган шарафли номга лоиқ эканлигини кўрсата олдик. Майдон марказида ва ҳужумда анча яхши тўп сурдик. Бизга керак бўлган натижани қўлга киритганимиздан мамнунмиз. Икки-уч вазиятда ўйиндан ташқари ҳолат қайд этилган вазиятни яхши томони шуки, бизни ҳужум чизиғимиздаги йигитлар ҳаракат қилмоқдалар. Бизни таркибда ўйнаётган ҳар бир футболчини “Пахтакор”нинг ғолибона анъаналарига асосланган руҳияти мавжуд.

“Бунёдкор”га қарши бўлиб ўтадиган навбатдаги учрашувда ҳам фақатгина ғалаба учун майдонга тушамиз. Мавсум сўнгида бундай кучли рақиб билан уйнашни яхши томонлари бор. Мақсадимиз ғалаба қозониб мавсумни яхши кайфиятда якунлаш. “Пахтакор” футбол клуби Камоллидин Кенжаевни қўллаб-қувватлаш акциясида иштирок этади. Мен мазкур футболчини кўп вақтдан бери биламан. Жуда истедодли футболчи эди. Афсус ўша автафалокат уни футболдан четлатди. Футболчилар, мураббийлар ва клублар бундай вазиятда бирлашиб ҳаракат қилишлари лозим. Бутун жамоамиз Камолиддин билан бирга”.