Рўзиқул Бердиев: "Лутфулла Тўраев билан юзага келган вазиятда асабийлашдим"

- Ўйин ҳақида

- Албатта, яхши савиядаги ўйин бўлди, чиройли ғалабани қўлга киритдик. Мухлисларга кўрсатган ўйинимиз маъқул келди, деб ўйлайман, барчани ғалаба билан табриклаймиз.

"Бунёдкор" жамоасини ўрганиб чиққандик. Рақибни бўш нуқталарини аниқладик ва футболчиларга ўша худудларда тезкорлик билан ҳаракат қилиш лозимлигини таъкидладик. Йигитлар кўрсатмаларни тўлиқ ва тўғри бажаришди. Ишончли ҳисобда ғалабага эришдик. Албатта, "Бунёдкор" жамоасини қанчалик кучга эканини биламиз, лекин ўйин кўрсатиб бердики, бизнинг тайёргарлигимиз юқори бўлган.

- Ўйиндаги ҳакамлик ҳақида нима дейсиз?

- Биринчи бўлимда Лутфулла Тўраев билан юзага келган вазиятда асабийлашдим, чунки унга иккинчи карточка берилиши лозим эди. Энди ҳакамларнинг ҳам ўз қарашлари бор, шу вазият мени бир оз асабийлаштирди.

- VAR тизими бу вазиятни кўриб чиқмадими?

- Биз бу холатларни муҳокама қилишга ҳақли эмасмиз. Муҳими ўйинда ишончли ғалабага эришдик, мухлисларимизни табриклаймиз.