RU

Последние новости

20:05Савиньо қишда "Манчестер Сити"ни тарк этиши мумкин  2 19:22Рэшфорд "Барселона"ни тарк этиб, ПСЖга ўтиши мумкин   3 19:02АПЛ. "Манчестер Юнайтед" Лондонда иродали ғалабага эришди  14 18:53Александр Хомяков: "Бундай ўйинларда битта гол кўп нарсани ҳал қилади"  4 18:39Февзи Давлетов: "Бухородаги стадион майдони ёмон бўлгани учун узун паслар билан ўйнадик"  0 18:35Илёс Зейтуллаев: "Андижон" учун мотивация муҳим роль ўйнади, "Бунёдкор" ажойиб мавсум ўтказди"  1 18:31Суперлига-2025. Игорь Сергеев — тўпурар  5 18:21Баҳром Ҳайдаров: "Плей-оффда ўйнайдиган 4 та клуб ҳам Суперлигада қолса керак"  0 18:10Иван Бошкович: "Қизил карточка ўйиннинг энг муҳим вазияти бўлди, "Қўқон-1912"га омад тилайман"  7 18:07"Андижон" мураббийи Элёр Раҳматуллаев: "Охирги кунларда қийин вазиятдан чиқишимизга Самвел Бабаян ёрдам берди"  14 18:06"Пиза" — "Интер". Таркиблар маълум  1 18:00Ҳаким Фузайлов: "Плей-оффга кўтаринки кайфиятда бориш учун ҳам бугун ғалаба керак эди"  4 17:53Миржалол Қосимов: "Мавсумни ғалаба билан тугатиш яхши"  0 17:53"Вест Хэм" — "Ливерпуль". Таркиблар маълум  6 17:45Отабек Нарзуллаев: "Уй ўйинларимизни Муборакда ўтказганимизда кўпроқ очко олардик"  1

Илёс Зейтуллаев: "Андижон" учун мотивация муҳим роль ўйнади, "Бунёдкор" ажойиб мавсум ўтказди" Новости

Илёс Зейтуллаев: "Андижон" учун мотивация муҳим роль ўйнади, "Бунёдкор" ажойиб мавсум ўтказди"

Суперлиганинг 30-турида "Бунёдкор" Тошкентда "Андижон"ни қабул қилди (1:2).

Учрашувдан сўнг "қалдирғочлар" бош мураббийи Илёс Зейтуллаев фикрларини билдирди.

"Кўрдингизки, биринчи бўлимда жамоамиз ёмон ўйнамади. Худудий устунликка эга бўлдик. "Андижон" учун иккинчи бўлимда мотивация катта роль ўйнади. Улар Суперлигада қолиш учун ўйнаётганди. Бизда ўтган йили шундай вазият бўлган эди. Элитада жон сақлаб қолиш учун бир нечта тўсиқлардан ўтишга тўғри келади. "Андижон"ни Суперлигада қолгани билан табриклайман. Мен жамоамдаги йигитларга ажойиб мавсум учун раҳмат айтмоқчиман. Улар қилган ишларидан кўпроғига лойиқ эди. Мураббий сифатида уларнинг меҳнатидан келиб чиқиб айтяпман. Биз яхши мавсум ўтказдик. Футбол ичидагилар нима деганимни тушунишади. Охиргача курашгани учун йигитларга ташаккур",- дейди Илёс Зейтуллаев.

- Яхши мавсум ўтказганингизни айтдингиз. Қайси омиллар сизни хурсанд қилди ёки аксинча?

- Мавсум тугади, энди хотиржам барчасини ўйлаб кўриш мумкин. Қийин вазиятлар бўлди, албатта. Жамоа майдонда ва ташқарисида аҳилликни кўрсата олди. Осон бўлмаган йўлни босиб ўтдик. Кучли учликдаги жамоалар Суперлига грандлари ҳисобланади. "Динамо"ни ҳам айтиб ўтиш жоиз. Раҳбарият билан жамоани кучайтириш ва бошқа масалаларни кўриб чиқамиз. Позитив томонлар ҳам бўлди мавсум давомида. Таркибимизда кўплаб ёшлар тўп тепди. Улар пойдеворимиз, имконият беришда давом этамиз. 

- Турнир жадвалидаги ўриндан келиб чиқсак, ишингизни қандай баҳолайсиз?

- Менга бошқа одамлар баҳо бергани яхши. Ўзимни баҳолашни тасаввур қилолмайман. Мураббий жамоасиз, футболчиларсиз мураббий ҳисобланмайди. Мен биринчи ўринга жамоани қўяман. Шу ўринда матбуот хизматимиз, ошпазлар, ишчилар, қийин иш қиладиган лекин кўринмас ходимларимиз бор. Уларга ҳам раҳмат. Академиямизга раҳмат. Биз барчамиз жуда яхши мавсум ўтказдик. 

- Жамоа сизнинг қўл остингизда йилдан-йилга ривожланди, ўсишга эришди. Навбатдаги қадамни ташлаш вақти келдими? Балки учлик, чемпионлик учун курашишни кутиш мумкиндир?

- Бу саволни раҳбариятга бериш керак. Кўряпсиз, қайси жамоалар таркибига топ футболчиларни қўшиб оляпти. Англияда мавсум тугаса ким чемпион бўлиши мумкин, "Манчестер Сити", "Ливерпуль" ёки "Арсенал", Бундеслигада "Бавария", "Боруссия Дортмунд", Италияда "Интер", "Ювентус". Футболни алдай олмайсиз. Бизда пойдевор бор. Дейлик мен кетсам ҳам иш давом этиши керак. Олдинга интилишимиз зарур. 

- Жаҳон чемпионатида Ўзбекистонга гуруҳда кимлар рақиб бўлишини истайсиз?

- Биз исталган жамоа билан ўйнашимиз мумкин. Ўзбек футболини кузата туриб, Ўзбекистон терма жамоаси ҳар қандай рақиб билан ўйнай олишини, футболчиларда руҳият пайдо бўлганини айтаман. Жаҳон чемпионати қайси жабҳада ўсганимизни, қандай камчиликлар борлигини кўрсатиб беради. 

Рейтинг: +2   

Комментарии

   
30 ноя 19:30:48
Azim Ismailov
Андижон колгани яхши булмади чунки кейинги уйинни андижон очлда 23 декабр куни утказади уртада 2 уйин утказиб тайергарлик куриб оларди
Бунедкор эса очикчасига уйинни берди
championat.asia
< посмотреть последние новости
Яндекс.Метрика