Роналду кетганидан кейин МЮда қаттиқ қоида йўлга қўйилди

Португалиялик футболчининг клубдаги маоши бошқалардан кўра сезиларли равишда катта эди. "Daily Mail" хабарига кўра, энди "Юнайтед"да футболчининг ҳафталик маоши 200 минг фунтдан ошмайди. Бу катта эҳтимол билан жамоа бош мураббийи Эрик тен Хагнинг қарори бўлиши мумкин.

Янги қоида Давид де Хеанинг маошига таъсир қилиши мумкин. Посбон МЮда ҳафтасига 350 минг фунт маош олаётганди. Унинг клубдаги шартномаси ушбу мавсумдан кейин якунланади. Олдинроқ берилган маълумотларга қараганда, испаниялик кипер жамоада қолиш учун маошининг пасайишига розилик билдирган. Шу орқали у Бруну Фернандеш билан бир хил маош олиши кутилмоқда.

Айни дамда жамоанинг асосий футболчилари - Рафаэль Варан, Харри Магуайр, Каземиро ва Фернандеш тахминан ҳафтасига 200 минг фунтга яқин маош олмоқда. Агарда жамоа ЕЧЛга чиқа олмаса, уларнинг маоши пасаяди.

Клубнинг маош учун ҳисоботларида футболчиларига тўлаётган пуллар кўпайиб кетаётгани сабабли бошқа бирор футболчига ҳафтасига 500 минг фунт маош тўламоқчи эмас.