Превью. "УзДонгЖу" - "Ғиждувон"
18 мая 2016 11:26
Новости

Превью. "УзДонгЖу" - "Ғиждувон"

Бугун Ўзбекистон биринчилигининг 10-тур баҳсларига старт берилади. Андижоннинг «УзДонгЖу» жамоаси Ғиждувоннинг «Ғиждувон» жамоасини қабул қилади.

Ушбу жамоаларнинг ўзаро ўйинлар тарихига назар ташласак икки бора куч синашишганига гувоҳ бўламиз. Ўтган йили бўлиб ўтган иккала бахсда хам «УзДонгЖу» жамоаси ғалаба қозонган. Ғижувонда бўлиб ўтган баҳсда 0:4 ҳисоби қайд этилган бўлса, Андижонда ўтказилган баҳс эса 4:2 ҳисобида якун топган.

Ўтказилган ўйинлардан сўнг майдон эгалари 9 ўйиндан 18 очко жамғариб 4-ўринни банд этган бўлса «Ғиждувон» жамоаси 8 ўйиндан 4 очко жамғариб сўнгги ўринни банд этишган.

Ушбу баҳс олдидан ҳар иккала жамоада ҳам йўқотишлар бор майдон эгалари таркибида ўтган турда майдондан четлатилган Феҳруз Солоҳидинов қатнаша олмаса меҳмонлардан эса сариқ карточкалари тўрттага етган Мирзо Турсунов ва Маъмур Рамазонов иштирок этишмайди.

Ушбу учрашувни тошкентлик ҳакам Ахмаджон Эргашев бошқариб боради унга қанотларда фарғоналик Қахрамон Собиров ва наманганлик Абдумажид Жабборов ёрдам беришади. Учрашув назоратчиси наманганлик Шуҳрат Бозоров. Эътиборлиси ўтган йили бўлиб ўтган Андижондаги баҳсни ҳам Ахмаджон Эргашев бошқариб борган.

Барча мухлисларни бугун 17:00да Шўрбулоқ даҳасидаги мактаб-интернати стадионида бўлиб ўтадиган ушбу қизиқарли учрашувга таклиф этамиз.

Иккала жамоага ҳам омад тилаймиз.

ЎЗАРО ЎЙИНЛАР
2015 ЙИЛ
Иккинчи босқич 8- тур. 20-сентябр (якшанба)
«Ғиждувон» (Ғиждувон)–«УзДонгЖу» (Андижон) 0:4. 125 томошабин.
Хакамлар: О.Тўйчибоев (Тошкент) – 8,2, Д.Сарсенов (Нукус) - 8,4,Б.Канназаров (Нукус) - 8,0
Назоратчи: А Тамбовцев (Тошкент).
Голлар: А.Жўрабоев (34) А.Қаюмов (67) И.Турсунов (83-пен) С.Солохиддинов (85)
Огохлантиришлар: М.Файзуллаев (64) Ш.Рахматов (83) – Ф.Солохидинов (15) Б.Ғозиев (17) И.Каримов (76)
Четлатиш: М.Қосимов (Ғиждувон 78)

Иккинчи босқич 9- тур. 26-сентябр (шанба)
«УзДонгЖу» (Андижон)–«Ғиждувон» (Ғиждувон) 4:2. 112 томошабин
Хакамлар: А.Эргашев (Тошкент) – 8,2, Р.Толибжонов (Фарғона) - 8,1,Ш.Аъзамов (Фарғона) - 7,7
Назоратчи: С.Зайлобиддинов (Фарғона).
Голлар: Ф.Солохидинов (30) А.Тўхтасинов (50) И.Каримов (84) А.Жўрабоев (90+2) – А.Абдуллаев (45) Т.Умаров (83)
Огохлантириш: Ш.Салимов (Ғиждувон 31)

10- тур. 18-май (чоршанба)
«УзДонгЖу» (Андижон)–«Ғиждувон» (Ғиждувон) Шўрбулоқ ФИМИ стадиони
Хакамлар: А. Эргашев (Тошкент), Қ.Собиров (Фарғона), А.Жаббаров (Наманган)
Назоратчи: Ш.Бозоров (Наманган).

«УзДонгЖу» ФК матбуот котиби Шерзодбек Мамадалиев тайёрлади.