Превью. "Динамо" – "Пахтакор"

Натижалар “шерлар”нинг устунлигини кўрсатмоқда. “Пахтакор” 33та ўйинда ғолиб бўлган, “Динамо” 5 марта бу рақибни мағлуб этган. 4та ўйинда дуранг қайд этилди. Тўплар нисбатида катта устунлик “Пахтакор” томонида - 85:22. Ўзаро ўйинларда “Пахтакор” 103 очкога эга бўлган бўлса, “Динамо” 19 очкони қўлга киритган.

“Пахтакор”нинг ўзаро ўйинларда қозонган энг йирик ғалабаси – 5:0га тенг. “Динамо”нинг энг йирик ғалабаси эса 2:0.

2014 йилги иккала учрашувда ҳам “шерлар” муваффақият қозонишган. Самарқанддаги учрашувда Игорь Сергеев ҳисобни очган, Зайниддин Тожиев ҳисобни тенглаштирганди. Ҳакам томонидан қўшиб берилган дақиқаларда Егор Кримец гол уриб “Пахтакор”га ғалаба келтирганди – 1:2. Тошкентда эса Баҳодир Пардаев, Кахи Махарадзе ва Анвар Солиевнинг голлари эвазига “шерлар” йирик ҳисобда зафар қучишган – 3:0.

Самарқандда бўлиб ўтган сўнгги беш учрашув:
26.04.2014 «Динамо» - «Пахтакор» 1:2
18.10.2013 «Динамо» - «Пахтакор» 1:2
08.04.2012 «Динамо» - «Пахтакор» 0:1
05.08.2011 «Динамо» - «Пахтакор» 0:0
26.10.2010 «Динамо» - «Пахтакор» 2:1

Ўзаро ўйинлар ҳақида факт: “Динамо” ўз майдонида бўлиб ўтган 21та ўйиннинг 4тасида зафар қучган. Тўрт марта дуранг қайд этилган. “Пахтакор” Самарқанддан 13 бора уч очко билан қайтган. Охирги тўрт мавсумда “Динамо” ўз уйида бу рақибни енга олмаган.


Нарзулла Сайдуллаев тайёрлади.