"Пахтакор" футболчилари тиббий кўрикдан ўтишди
13 янв 2021 16:36
Новости

"Пахтакор" футболчилари тиббий кўрикдан ўтишди

Ўзбекистоннинг амалдаги чемпиони "Пахтакор" янги мавсумга тайёргарликни бошлаш арафасида турибди.

"Шерлар" ўйинчилари 3 ҳафталик таътилдан кейин бугун "Жар" стадионида йиғилишди ва тиббий кўрикдан ўтишди. Бу ҳақда клуб матбуот хизмати хабар берди.

Футболчиларнинг жисмоний ҳолатини билиш мақсадида ўтказиладиган одатий текширувлардан ташқари COVID-19 инфекциясини аниқлаш бўйича тест ҳам топширилди. Машғулотлар эса бугунги текширувлар натижаларидан келиб чиқиб, эртага "Жар" стадионида бошланади.

Эслатиб ўтамиз, "Пахтакор" йиғинни 21 январга қадар "Жар"да ўтказади. Шундан кейин жамоа БААнинг Дубай шаҳрига учиб кетади.