"Пахтакор": Биринчи лига жамоаси "Олмалиқ" ёшларини енгди

Дилшод Нуралиев қўл остида биринчи лигада иштирок этадиган жамоа бир қатор ёшларни синаб кўришда давом этмоқда. Шу тариқа 2014 йил бу жамоа сафида майдонга тушадиган футболчилар саралаб олиняпти. Якшанба куни "Чилонзор" стадионида "Олмалиқ" ўринбосарларига қарши кечган беллашувда Рамзиддин Тўхтаназаров томонидан киритилган ягона тўп Нуралиев шогирдларига ғалаба келтирди. 1995, 1996 ва 1997 йилларда таваллуд топган ўйинчилардан иборат жамоа навбатдаги учрашувларни 30 январь куни Қарағанданинг "Шахтёр" ва 2 февраль куни "Андижон" клублари билан ўтказади. Шундан кейин пойтахтимизда бўлиб ўтадиган ПФЛ Кубогида қатнашади.